ଶନିବାର ଠାରୁ ବିଶ୍ଵ ପ୍ରସିଦ୍ଧ ପୁଷ୍କର ମେଳା ଆରମ୍ଭ, ପ୍ରସ୍ତୁତି ଶେଷ
ଜୟପୁର, ୧ ନଭେମ୍ବର – ବିଶ୍ଵ ପ୍ରସିଦ୍ଧ ପୁଷ୍କର ମେଳା ନଭେମ୍ବର ୨ ତାରିଖ ଠାରୁ ଆରମ୍ଭ ହେବାକୁ ଯାଉଛି । ଚଳିତ ବର୍ଷ ଏହି ମେଳା ନଭେମ୍ବର ୨ ତାରିଖ ଠାରୁ ଆରମ୍ଭ ହୋଇ ୧୭ ତାରିଖରେ ଶେଷ ହେବ । ଏହି ମେଳାରେ ଦେଶର ସବୁଠୁ ବଡ ପଶୁ ମେଳା ମଧ୍ୟ ସାମିଲ୍ ହେବ । ମେଳାର ସବୁଠୁ ବଡ ଆକର୍ଷଣ ମରୁଭୂମିର ଜାହାଜ ଓଟ । ଏହା ବ୍ୟତୀତ କେତେକ ପ୍ରତିଯୋଗୀତା ମଧ୍ୟ ଅନୁଷ୍ଠିତ ହେବ । ଏହି ମେଳାରେ ଦେଶ ବିଦେଶର ପର୍ଯ୍ୟଟକ ସାମିଲ୍ ହେବେ । ମେଳାରେ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଯବାନ ମୁତୟନ ହେବେ ।
