ଚଳନ୍ତା ଅଟୋରୁ ପଡ଼ି ଶ୍ରମିକଙ୍କ ମୃତ୍ୟୁ

ଖୋର୍ଦ୍ଧା : ଚଳନ୍ତା ଅଟୋରୁ ପଡ଼ି ଜଣେ ଶ୍ରମିକ ମୃତ୍ୟୁବରଣ କରିଛନ୍ତି । ମୃତକ ହେଲେ କୋଦଳା ଥାନା ଅନ୍ତର୍ଗତ ଭାବିନିପୁର ଗ୍ରାମର ପୀତବାସ ଗୌଡ଼ (୪୫) ।

।ସୂଚନା ମୁତାବକ, ବାଣପୁର ଅଞ୍ଚଳକୁ ଦୈନିକ ଗଞ୍ଜାମ ଜିଲାରୁ ପୁରୁଷ ଓ ମହିଳା ଶ୍ରମିକ ମାନେ କାମ ଅନ୍ୱେଷଣରେ ଆସନ୍ତି କ୍ଷ ତେବେ ବୁଧବାର ସକାଳୁ ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ଭାବିନିପୁର ଗାଁ ର ୮ ଜଣ ଶ୍ରମିକ ଧାନ ରୋଇବା ପାଇଁ ବାଣପୁର ଅଭିମୁଖେ ଏକ ଅଟୋରେ ଆସୁଥିଲେ । ତେବେ ସକାଳ ୬ଟାରେ ଅଟୋର ପଛ ପାର୍ଶ୍ୱରେ ବସିଥିବା ଶ୍ରମିକ ପୀତବାସ ଗୌଡ଼ (୪୫) ଅସାବଧାନତା ବଶତଃ ଅଟୋରୁ ଖସି ପଡିଥିଲେ । ସଙ୍ଗେ ସଙ୍ଗେ ଅନ୍ୟ ଶ୍ରମିକ ମାନେ ତାଙ୍କୁ ବାଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ଭର୍ତ୍ତି କରିଥିଲେ ।ମାତ୍ର ତାଙ୍କର ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଥିଲେ । ଏନେଇ କାର୍ଯ୍ୟରତ ଡାକ୍ତର ବାଣପୁର ପୋଲିସକୁ ଖବର ଦେଇଥିଲେ ।ଖବର ପାଇ ବାଣପୁର ପୋଲିସ ଚିକିତ୍ସାଳୟରେ ପହଞ୍ଚି ଶବ ଜବତ କରିବା ସହ ତଦନ୍ତ କରୁଥିବା ଜଣାପଡିଛି ।