ନୂଆଦିଲ୍ଲୀ: ଟୟୋଟା କିର୍ଲୋସ୍କର ମୋଟରର ଭାଇସ ଚେୟାରମ୍ୟାନ୍ ବିକ୍ରମ ଏସ କିର୍ଲୋସ୍କରଙ୍କ ହୃଦଘାତରେ ଦେହାନ୍ତ ହୋଇଛି। ମୃତ୍ୟୁବେଳକୁ ତାଙ୍କୁ 64 ବର୍ଷ ବୟସ ହୋଇଥିଲା। ମୋଟର ଯାନ ନିର୍ମାତା ଟୋୟୋଟା ପକ୍ଷରୁ ବୁଧବାର ଏହି ସୂଚନା ଦିଆଯାଇଛି । କମ୍ପାନୀ ଏକ ବିବୃତ୍ତିରେ କହିଛି ଯେ 29 ନଭେମ୍ବର 2022 ରେ ଟୟୋଟା କିର୍ଲୋସ୍କର ମୋଟର ଉପାଧ୍ୟକ୍ଷ ବିକ୍ରମ ଏସ କିର୍ଲୋସ୍କାରଙ୍କ ଅକାଳ ବିୟୋଗ ବିଷୟରେ ସୂଚନା ଦେଇ ଆମେ ଅତ୍ୟନ୍ତ ଦୁଃଖିତ। ଦୁଃଖର ଏହି ଘଣ୍ଟାରେ, ଆମେ ସମସ୍ତଙ୍କୁ ବିଦାୟିତ ଆତ୍ମାର ଶାନ୍ତି ପାଇଁ ପ୍ରାର୍ଥନା କରିବାକୁ ଅନୁରୋଧ କରୁଛୁ |
ବୁଧବାର ଆଜି ଦିନ ଗୋଟାକରେ ବେଙ୍ଗାଲୁରୁର ହେବଲ କ୍ରେମେଟୋରିୟମରେ ତାଙ୍କୁ ଶେଷ ଶ୍ରଦ୍ଧାଞ୍ଜଳି ଦିଆଯାଇପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି ।ବିଭିନ୍ନ ଯାନ ବିକ୍ରୟ କରୁଥିବା ଟୟୋଟା କିର୍ଲୋସ୍କର ମୋଟର (TKM) ଜାପାନର ଅଟୋ ପ୍ରମୁଖ ଟୟୋଟା ମୋଟର ଏବଂ କିର୍ଲୋସ୍କର ଗ୍ରୁପ୍ ମଧ୍ୟରେ ମିଳିତ ଉଦ୍ୟମ ଅଟେ |
