ନୂଆଦିଲ୍ଲୀ : ଭାରତ ଓ ଶ୍ରୀଲଙ୍କା ମଧ୍ୟରେ ରାଜନୈତିକ ଓ ଆର୍ଥିକ କ୍ଷେତ୍ରରେ ନୂଆ ଅଧ୍ୟାୟର ଶୁଭାରମ୍ଭ ହୋଇଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ତାମିଲନାଡୁର ନାଗାପଟ୍ଟିନମ ଓ ଶ୍ରୀଲଙ୍କର କାଙ୍କେସନ୍ତୁରାଇ ମଧ୍ୟରେ ନୌକା ସେବା ଆରମ୍ଭ ହେବା ଅବସରରେ ପିଏ ମୋଦି ଏହା କହିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ, ଏହା ଆମ ସମ୍ପର୍କକୁ ସୁଦୃଢ କରିବାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ । ଭାରତ ଓ ଶ୍ରୀଲଙ୍କାର ସଂସ୍କୃତି, ବାଣିଜ୍ୟ ଓ ସଭ୍ୟତାର ଗଭୀର ଇତିହାସ ରହିଛି ।
ଏଠାରେ ସୂଚନାଯୋଗ୍ୟ, ଆଜି ସକାଳେ କେନ୍ଦ୍ର ବନ୍ଦର ଓ ଜାହଜମନ୍ତ୍ରୀ ସର୍ବାନନ୍ଦ ସୋନେୱାଲ ତାମିଲନାଡୁର ନାଗାପଟ୍ଟିନମ ଓ ଶ୍ରୀଲଙ୍କାର କୋଙ୍କେସନ୍ତୁରାଇ ମଧ୍ୟରେ ଏହି ବୋଟ ସେବାର ଶୁଭାରମ୍ଭ କରିଛନ୍ତି ।
