ଝାରଖଣ୍ଡରେ ଦୁଇ ମାଲଗାଡି ମଧ୍ୟରେ ଧକ୍କା, 3 ମୃତ, 3 ଆହତ

ରାଂଚି, 1 ଏପ୍ରିଲ୍ – ଝାରଖଣ୍ଡର ସାହିବଗଂଜ ଜିଲ୍ଲାରେ ରେଳ ଦୁର୍ଘଟଣା । ଦୁଇଟି ମାଲଗାଡି ପରସ୍ପର ମଧ୍ୟରେ ଧକ୍କା ହୋଇଛି । ଏହି ଦୁର୍ଘଟଣାରେ 3ଜଣ ଲୋକଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରୁ ଜଣେ ମାଲଗାଡି ଡ୍ରାଇଭର ଅଛନ୍ତି । ଦୁର୍ଘଟଣା ଭୋର ପ୍ରାୟ 3ଟା ବେଳେ ହୋଇଛି । ଘଟଣାସ୍ଥଳରଦୂରତା ରାଜଧାନୀ ରାଂଚିରୁ ପ୍ରାୟ 486 କିଲୋମିଟର ଅଟେ । ସାହିବଗଂଜ ଜିଲ୍ଲା ପୋଲିସ ଏସପି ଅମିତ କୁମାର ସିଂହ ଦୁର୍ଘଟଣା ନେଇ ସୂଚନା ଦେଇଛନ୍ତି ।

ପୋଲିସ ଅଧିକାରୀଙ୍କ ଅନୁସାରେ, ଏହି ଦୁର୍ଘଟଣାରେ ସିଆଇଏସଏଫର ଚାରି ଯବାନ ବି ଆହତ ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ରେଲୱେ ପ୍ରଶାସନ ଓ ସ୍ଥାନୀୟ ଅଧିକାରୀ ତଦନ୍ତ ଆରମ୍ଭ କରିଦେଇଛନ୍ତି । ଦୁଇଟି ମାଲଗାଡି ପରସ୍ପର ସହ ଧକ୍କା ହେବା ପରେ ଇଂଜିନରେ ନିଆଁ ଲାଗିଯାଇଥିଲା । ଦୀର୍ଘ ପରିଶ୍ରମ ପରେ ନିଆଁକୁ ନିୟନ୍ତ୍ରଣ କରାଯାଇଛି ।