ମୁମ୍ବାଇ : ବୁଲଢାଣା ଜିଲ୍ଲାର ୬ ନଂ ଜାତୀୟ ରାଜପଥର ବଡନେର ଗ୍ରାମ ନିକଟରେ ନିର୍ମିତ ସେଡ୍ ରେ ଶୋଇଥିବା ୧୦ ଜଣ ଶ୍ରମିକଙ୍କ ଉପରେ ଦୃତ ଗତିରେ ଆସୁଥିବା ଏକ ଟ୍ରକ୍ ମାଡି ଯାଇଛି । ଫଳରେ ୪ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଆହତ ୬ ଜଣଙ୍କୁ ମଲକାପୁର ସରକାରୀ ଡାକ୍ତରଖାନାରେ ଭର୍ତି କରାଯାଇଛି ।
ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ, ରାସ୍ତା କାମ କରିବା ପାଇଁ ଏହି ଶ୍ରମିକ ମାନେ ଗତ ସପ୍ତାହରେ ମଧ୍ୟପ୍ରଦେଶର ବୁଲଢାଣା ସ୍ଥିତ ବଡନେରକୁ ଆସିଥିଲେ । ରବିବାର କାମ ସରିବା ପରେ ରାତିରେ ରାଜପଥ କଡ଼ରେ ଥିବା ସେଡ୍ ରେ ଏମାନେ ଶୋଇଥିଲେ । ସୋମବାର ସକାଳ ପ୍ରାୟ ୬ଟା ସମୟରେ ଦୃତ ଗତିରେ ଆସୁଥିବା ଏହି ଟ୍ରକ୍ ସେମାନଙ୍କ ଉପରେ ମାଡି ଯାଇଥିଲା ।
