
ମହାରାଷ୍ଟ୍ରର ବୁଲଢାଣାରେ ତିନୋଟି ଗାଡି ମୁହାଁମୁହିଁ ଧକ୍କା,5ଜଣଙ୍କ ମୃତ୍ୟୁ,24 ଆହତ
ମୁମ୍ବାଇ 2 ଅପ୍ରେଲ -ମହାରାଷ୍ଟ୍ରର ବୁଲଢାଣା ଜିଲ୍ଲାରେ ଶେଗାଓଁ -ଖାମଗାଓଁ ରାଜପଥର ଖାମଗାଓଁ ନିକଟରେ ଆଜି ସକାଳେ ତିନୋଟି ଗାଡି ଧକ୍କାରେ ପାଞ୍ଚଜଣଙ୍କ ମୃତ୍ୟୁ ଘଟିଛି ଏବଂ ଅନ୍ୟ 24ଜଣ ଆହତ ହୋଇଛନ୍ତି।ଆହତଙ୍କୁ ଆକୋଲା ଏବଂ ଖାମଗାଓଁ ସରକାରୀ ଡାକ୍ତରଖାନାରେ ଭର୍ତ୍ତୀ କରାଯାଇଛି।ଏମାନଙ୍କ ମଧ୍ୟରେ ସାତଜଣଙ୍କ ଅବସ୍ଥା ଗୁରୁତର ରହିଛି।ଖାମଗାଓଁ ପୋଲିସ ଏହା ନିଶ୍ଚିତ କରିଛନ୍ତି।ପୋଲିସ ସୁଚନାନୁସାରେ ସକାଳ ପ୍ରାୟ ସାଢେ ପାଞ୍ଚଟା ସମୟରେ ଶେଗାଓଁରୁ କୋଲ୍ହାପୁର ଯାଉଥିବା ଦ୍ରୃତଗାମୀ ବୋଲେରୋ ଏକ ଏସଟୀ ବସ ସହ ଧକ୍କା ହୋଇଛି।ଏଥିସହିତ ପଛରୁ ଆସୁଥିବା ଏକ ଘରୋଇ ବସ ଏହି ଉଭୟ ଦୁର୍ଘଟଣାଗ୍ରସ୍ଥ ଗାଡିକୁ ଧକ୍କା ଦେଇଛି।ଏହି ଘଟଣାରେ ବୋଲେରୋରେ ଯାତ୍ରା କରୁଥିବା ପାଞ୍ଚଜଣ ଲୋକଙ୍କ ମୃତ୍ୟୁ ଘଟିଛି ଏବଂ ବସରେ ଯାତ୍ରା କରୁଥିବା 24 ଲୋକ ଆହତ ହୋଇଛନ୍ତି।।