ଗଞ୍ଜାମ : ଗଞ୍ଜାମ ଜିଲ୍ଲା ଶେରଗଡ଼ ଥାନା କୃଷ୍ଣଛାଇ ପଞ୍ଚାୟତ କାର୍ଯ୍ୟାଳୟରେ ଗତ ରାତିରେ ଚୋରି ହୋଇଛି । ଦୁର୍ବୃତ ମାନେ କାର୍ଯ୍ୟାଳୟର ତାଲା ଭାଙ୍ଗି ଗୋଟିଏ ଏଲଇଡ଼ି ଟିଭି ଏବଂ ମିଶନ ଶକ୍ତିର ଏକ ଟାବଲେଟ୍ ଚୋରି କରି ନେଇଛନ୍ତି । କମ୍ପ୍ଯୁଟର ଭାଙ୍ଗିବା ସହ ସମସ୍ତ ଆଲମିରା ତାଲାକୁ ତାଡ଼ି ଆବଶ୍ୟକୀୟ କାଗଜପତ୍ର ଫିଙ୍ଗି ଦେଇଛନ୍ତି । ଖବର ପାଇ ଶେରଗଡ଼ ଥାନା ଅଧିକାରୀ ମନୋଜ କୁମାର ପ୍ରଧାନ ଓ ଏସଆଇ ସତ୍ୟଜିତ ବେଣିଆ ଘଟଣାସ୍ଥଳରେ ପହଞ୍ଚି ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ସହିତ ଘଟଣାର ତଦନ୍ତ କରୁଛନ୍ତି ।
