ନୂଆପଡା : ନୂଆପଡା ବ୍ଲକ କେରମେଲି ପଂଚାୟତର ଗୋଲାବନ୍ଦ ଗାଁ ରେ ମାଓବାଦୀ ମାନେ ବଡ ଧରଣର ହିଂସାକାଣ୍ଡ ଭିଆଇଛନ୍ତି। ଗତକାଲି ବିଳମ୍ବିତ ରାତ୍ରିରେ ସଶସ୍ତ୍ର ମାଓବାଦୀ ମାନେ ଆସି ପ୍ରଥମେ ଗୋଲାବନ୍ଦ ଗାଁ ରେ ଥିବା ବନ୍ୟଜନ୍ତୁ ବିଭାଗର ଫରେଷ୍ଟର କ୍ବାଟରକୁ ବୋମା ମାଡ କରିଥିବା ବେଳେ ଗାଁ ରେ ଥିବା ଏକ ଜେସିବି ଗାଡିରେ ନିଆଁ ଲଗାଇଛନ୍ତି। ଫରେଷ୍ଟର ଅଫିସ ନିକଟରେ ମାଓ ପୋଷ୍ଟର ଛାଡିଛନ୍ତି।
ଏହି ମାଓ ପୋଷ୍ଟରରେ ସେମାନେ କେନ୍ଦ୍ର ର ବିଜେପି ସରକାର, ରାଜ୍ୟର ବିଜେଡି ସରକାର ଓ ଛତିଶଗଡର କଂଗ୍ରେସ ସରକାରଙ୍କୁ ବିରୋଧ କରିଛନ୍ତି। ଗାଁ ର ଖଣି, ପାଣିକୁ କମ୍ପାନୀକୁ ବିକ୍ରି କରୁଛନ୍ତି ଓ ସାଧାରଣ ଲୋକଙ୍କୁ ହଇରାଣ କରୁଥିବାରୁ ଏହି ଘଟଣା ଭିଆଇଥିବା ପୋଷ୍ଟରରେ ଉଲ୍ଲେଖ କରିଛନ୍ତି ।
