ଆଦର୍ଶ ଓ ସିଦ୍ଧାନ୍ତ ଉପରେ ତିଷ୍ଠି ରହିଛି ସଂଘର ବଟବୃକ୍ଷ- ପ୍ରଧାନମନ୍ତ୍ରୀ

ନାଗପୁର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ,, ରାଷ୍ଟ୍ରୀୟ ସ୍ୱୟଂସେବକ ସଂଘ ଏକ ବଟବୃକ୍ଷ ଭଳି ଅଟେ ଏବଂ ଏହି ବଟବୃକ୍ଷ ଗତ ଶହେ ବର୍ଷରୁ ଆଦର୍ଶ ଓ ସିଦ୍ଧାନ୍ତ ଉପରେ ତିଷ୍ଠି ରହିଛି । କୌଣସି ବି ଦେଶର ଅସ୍ତିତ୍ୱ ସେହି ଦେଶର ସଂସ୍କୃତିର ବିସ୍ତାର ଉପରେ ନିର୍ଭର କରିଥାଏ, ଯାହା ପିଢି ପରେ ପିଢି ଆଗକୁ ବଢିଥାଏ । ଦେଶ ଉପରେ ଅନେକ ବିଦେଶୀ ଆକ୍ରମଣ ହୋଇଥାଏ, ସଂସ୍କୃତିକୁ ନଷ୍ଟ କରିବା ପାଇଁ ଉଦ୍ୟମ ହୋଇଥାଏ କିନ୍ତୁ ଭାରତୀୟ ସଂସ୍କୃତିର ଚେତନା କେବେ ବି ସମାପ୍ତ ହୋଇନାହିଁ ।ପ୍ରଧାନମନ୍ତ୍ରୀ ମୋଦି ରବିବାର ନାଗପୁର ସ୍ଥିତ ମାଧବ ନେତ୍ରାଳୟର ପ୍ରିମିୟର ସେଂଟର ବିଲ୍ଡିଂର ଭୂମି ପୂଜନ କାର୍ଯ୍ୟକ୍ରମକୁ ସଂବୋଧିତ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ,

କୌଣସି ବି ଦେଶର ଅସ୍ତିତ୍ୱ ସେହି ଦେଶର ସଂସ୍କୃତିର ବିସ୍ତାର ଉପରେ ନିର୍ଭର କରିଥାଏ, ଯାହା ପିଢି ପରେ ପିଢି ଆଗକୁ ବଢିଥାଏ । ଆମ ଦେଶ ଉପରେ ଅନେକ ବିଦେଶୀ ଆକ୍ରମଣ ହୋଇଛି, ଆମର ସଂସ୍କୃତିକୁ ନଷ୍ଟ କରିବା ପାଇଁ ଉଦ୍ୟମ ହୋଇଛି, ତଥାପି ଭାରତୀୟ ସଂସ୍କୃତିର ଚେତନା କେବେ ସମାପ୍ତ ହୋଇନାହିଁ । ଏହି ଚେତନା ବଜାୟ ରଖିବା ପାଇଁ ଅନେକ ଆନ୍ଦୋଳନ ଭାରତରେ ହୋଇଛି । ଭକ୍ତିରସରେ ଭରା ଆନ୍ଦୋଳନ ଏହାର ଉଦାହରଣ ଅଟେ ।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଆମର ସନ୍ଥମାନେ ସମାଜରେ ଏହି ଚେତନା ଜାଗୃତ କରିଛନ୍ତି । ମହାରାଷ୍ଟ୍ରର ସନ୍ଥ ତୁକାରାମ, ସନ୍ଥ ଏକନାଥ, ସନ୍ଥ ନାମଦେବ, ସନ୍ଥ ଜ୍ଞାନେଶ୍ୱର ଏହି କାର୍ଯ୍ୟ କରିଛନ୍ତି । ଏହାପରେ ସ୍ୱାମୀ ବିବେକାନନ୍ଦ ଏହାକୁ ଆଗକୁ ବଢାଇଥିଲେ । ସ୍ୱାଧୀନତା ସଂଗ୍ରାମରେ ପୂର୍ବତନ ଡ.ହେଡଗେୱାର ଓ ଗୁରୁଜୀ ଗୋଭଲକର ବି ଏହି ଜାତୀୟ ଚେତନାକୁ ବଢାଇଥିଲେ । ସେମାନେ ଶହେ ବର୍ଷ ପୂର୍ବରୁ ଯେଉଁ ବଟବୃକ୍ଷର ବିଜାରୋପଣ କରିଥିଲେ, ତାହା ଆଜି ବିଶାଳ ରୂପ ନେଇଛି ।

ମୋଦି ଏହା ବି କହିଛନ୍ତି ଯେ, ସଂଘର ଏହି ବଟବୃକ୍ଷ ଆଦର୍ଶ ଓ ସିଦ୍ଧାନ୍ତ କାରଣରୁ ତିଷ୍ଠି ରହିପାରିଛି ।