ଭୁବନେଶ୍ୱର : ଏସୀୟ କ୍ରୀଡାରେ ଭାରତୀୟ 50 ମିଟର ରାଇଫଲ ଟିମ ସ୍ୱର୍ଣ୍ଣ ପଦକ ଜିତିବା ପରେ ବିଭିନ୍ନ ମହଲରୁ ଛୁଟିଛି ଶୁଭେଚ୍ଛାର ସୁଅ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁଟର ଟିମ୍ ଐଶ୍ୱର୍ଯ୍ୟ ପ୍ରତାପ ସିଂହ ତୋମାର, ସ୍ୱପ୍ନିଳ କୁଶାଲେ ଏବଂ ଅଖିଲ ଶ୍ୟୋରେଣଙ୍କୁ ଶୁଭେଚ୍ଛା ଜଣାଇଛନ୍ତି । ସୋସିଆଲ ମିଡିଆ ଏକ୍ସରେ ସେ ନିଜର ଶୁଭେଚ୍ଛା ବାର୍ତ୍ତା ଦେଇଛନ୍ତି । ଖେଳ କ୍ୟାରିଅରରେ ନୂତନ ଉଚ୍ଚତା ଜାରି ରଖି ଦେଶ ପାଇଁ ଗୌରବ ଆଣୁଥାନ୍ତୁ ବୋଲି ମୁଖ୍ୟମନ୍ତ୍ରୀ କାମନା କରିଛନ୍ତି । ସେମାନଙ୍କର ଭବିଷ୍ୟତ ପ୍ରୟାସ ପାଇଁ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ।
