ଭୁବନେଶ୍ୱର : ମହାନଦୀରୁ ଯୁବକଙ୍କ ଗଳିତ ମୃତଦେହ ଉଦ୍ଧାର ହୋଇଛି । ଝାରସୁଗୁଡା ଜିଲ୍ଲା ତିଲିଆ ପଞ୍ଚାୟତ ନିକଟସ୍ଥ ମହାନଦୀର ମାରଙ୍ଗଘାଟରୁ ଅଚିହ୍ନା ଯୁବକଙ୍କ ଗଳିତ ମୃତଦେହ ଉଦ୍ଧାର କରାଯାଇଛି । ଯୁବକଙ୍କ ପରିଚୟ ଜଣାପଡିନଥିବା ବେଳେ କେଉଁଆଡୁ ମୃତଦେହ ଭାସିଆସିଛି ସେ ନେଇ ମଧ୍ୟ କୌଣସି ସୂଚନା ମିଳିନି । ଘାଟରେ ମୃତଦେହ ଭାସୁଥିବାର ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ବନହରପାଲି ପୋଲିସ ପହଞ୍ଚି ତଦନ୍ତ ଚଳାଇଛି ।
