ଭୁବନେଶ୍ୱର : ଆଜି ଭୁବନରେ 12 ଘଣ୍ଟିଆ ବନ୍ଦ ପାଳନ କରାଯାଉଛି । ଭୁବନ ବ୍ଳକରେ ଦୀର୍ଘଦିନରୁ ଲାଗିରହିଥିବା ମୌଳିକ ସମସ୍ୟାର ସମାଧାନ ଦାବିରେ ବିଜେପି ପକ୍ଷରୁ ବନ୍ଦ ଡାକରା ଦିଆଯାଇଥିଲା । 12 ଦଫା ଦାବି ନେଇ ସକାଳ 6ଟାରୁ ସନ୍ଧ୍ୟା 6ଟାଯାଏ 12 ଘଣ୍ଟିଆ ବନ୍ଦ ଡାକରା ଦେଇଥିଲା ବିଜେପି । ପାନୀୟ ଜଳ, ରାସ୍ତା ସହ ଡାକ୍ତର, ଶିକ୍ଷକ ନିଯୁକ୍ତି ଓ ଆବାସ ଦୁର୍ନୀତିକୁ ନେଇ ବର୍ଷିଛି ବିଜେପି । ବନ୍ଦ ଯୋଗୁ ଦୋକାନ ବଜାର, ଶିକ୍ଷାନୁଷ୍ଠାନ, ସରକାରୀ ଓ ବେସରକାରୀ କାର୍ଯ୍ୟାଳୟ, ସରକାରୀ ଓ ବେସରକାରୀ ଅନୁଷ୍ଠାନ ସବୁ ବନ୍ଦ ରହିଛି।
