ମାଲକାନଗିରି : ଖଇରପୁଟ ବ୍ଲକ ଅନ୍ତର୍ଗତ କୁଡୁମୁଲୁଗୁମ୍ମା ହନୁମାନ ମନ୍ଦିର ପରିସରରେ ଖଇରପୁଟ ମଣ୍ଡଳ ବିଜେପି ଯୁବ ମୋର୍ଚ୍ଚା ପକ୍ଷରୁ ଗତକାଲି ସ୍ୱଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସମସ୍ତ କାର୍ଯ୍ୟକର୍ତ୍ତା ମିଶି ମନ୍ଦିର ପରିସରରେ ଥିବା ଅଳିଆ ଆବର୍ଜ୍ଜନା ସଫା କରିଥିଲେ। ଏହି ଅବସରରେ ଜିଲ୍ଲା ବିଜେପି ଯୁବ ମୋର୍ଚ୍ଚାର ସାଧାରଣ ସମ୍ପାଦକ ଜ୍ୟୋତି ରଞ୍ଜନ ବେହେରା, ଚିତ୍ରକୋଣ୍ଡା ବିଧାନସଭାର ସହ ସଂଯୋଜକ ଅଜୟ କୁମାର ପଟ୍ଟନାୟକ, ମଣ୍ଡଳ ଯୁବ ମୋର୍ଚ୍ଚାର ସଭାପତି ରମାକାନ୍ତ ଧାକଡ, ମଣ୍ଡଳ ଏସି ମୋର୍ଚ୍ଚା ସଭାପତି ଅଶୋକ ଆଦ୍ୟ, ମଣ୍ଡଳ ଓବିସି ମୋର୍ଚ୍ଚା ସଭାପତି ନୀଳମାଧବ ଭୋଳ, ବରିଷ୍ଠ କର୍ମୀ ଯୁଗଳ କିଶୋର ସ୍ବାଇଁ, କର୍ମୀ ହରିହର ସିଂଙ୍କ ସହ କର୍ମୀ ମାନେ ଉପସ୍ଥିତ ଥିଲେ।
