ଭରତପୁର ଥାନା ପୋଲିସ-ଆର୍ମି ବିବାଦ ଘଟଣା କମିଶନରେ ହାଜର ହେଲେ ନିଲମ୍ବିତ ଥାନା ଅଧିକାରୀ
ଭୁବନେଶ୍ୱର, 14 ନଭେମ୍ବର – ଭରତପୁର ଥାନା ପୋଲିସ-ଆର୍ମି ବିବାଦ ଘଟଣା । ଘଟଣାରେ ପ୍ରତ୍ୟକ୍ଷ ଭାବେ ସମ୍ପୃକ୍ତି ଥିବା ସମସ୍ତଙ୍କୁ ହାଜର ପାଇଁ କମିସନ ନୋଟିସ ଜାରି କରିଥିଲେ । ଏହି କ୍ରମରେ ଆଜି ନିଲମ୍ବିତ ଥାନା ଅଧିକାରୀ ଦିନକୃଷ୍ଣ ମିଶ୍ର, ଓକିଲ ସନ୍ଦୀପ ରାଜ ପଣ୍ଡା ହାଜର ହୋଇଛନ୍ତି । ଏହା ସହ ନିଲମ୍ବିତ ତିନି ମହିଳା ଥାନା କର୍ମଚାରୀଙ୍କ ପାଇଁ ଓକିଲ ରାଜକୁମାର ରାଉତ ହାଜର ହୋଇଛନ୍ତି ।
ଆଜି କମିଶନଙ୍କ ପାଖରେ ହାଜର ହେବାକୁ ନିଲମ୍ବିତ 5 ପୋଲିସ କର୍ମଚାରୀ , ମେଜର ଓ ପୀଡିତାଙ୍କୁ ନୋଟିସ ହୋଇଥିଲା । ରାସ୍ତାରେ ଆକ୍ରମଣ କରିଥିବା ଯୁବକମାନଙ୍କୁ ମଧ୍ୟ ହାଜର ପାଇଁ ନୋଟିସ ହୋଇଥିଲା । ବ୍ୟକ୍ତିଗତ ହାଜର ନଚେତ ଓକିଲ ଜରିଆରେ ହାଜର ହେବାକୁ ନୋଟିସରେ ଦର୍ଶାଯାଇଛି ।
