ହାଙ୍ଗଝୋ : 19ତମ ଏସୀୟ କ୍ରୀଡାରେ ଭାରତ ପାଇଁ ଶନିବାର ସ୍ୱର୍ଣ୍ଣ ପଦକ ଜିତିଛନ୍ତି ମହିଳା ତୀରନ୍ଦାଜ ଜ୍ୟୋତି ସୁରେଖା ଭେନମ । ମହିଳା କମ୍ପାଉଣ୍ଡ ତୀରନ୍ଦାଜୀରେ ସେ ସ୍ୱର୍ଣ୍ଣ ପଦକ ଜିତିଛନ୍ତି । ଭାରତୀୟ ଖେଳାଳି ଦକ୍ଷିଣ କୋରିଆର ଚୈଭୋନ ସୌଙ୍କୁ 149-145ରେ ହରାଇ ଶୀର୍ଷରେ ରହିଛନ୍ତି । ଶନିବାର ଏହି ପଦକ ସହ ସୁରେଖା ମୋଟ୍ ତିନୋଟି ସ୍ୱର୍ଣ୍ଣ ପଦକ ଜିତିଛନ୍ତି । ଯେଉଁଥିରେ ତୀରନ୍ଦାଜ କମ୍ପାଉଣ୍ଡ ମହିଳା ଟିମ୍ ଓ ମିଶ୍ରିତ ଟିମ୍ କମ୍ପାଉଣ୍ଡ ତୀରନ୍ଦାଜ ପଦକ ସାମିଲ ରହିଛି ।
ଅନ୍ୟପଟେ ଅଦିତି ଗୋପିଚନ୍ଦ ମହିଳା କମ୍ପାଉଣ୍ଡ ତୀରନ୍ଦାଜରେ ଇଣ୍ଡୋନେସିଆର ରହିତ ଜିଲିଜତୀ ଫନ୍ଧଲିଙ୍କୁ 146-140 ବ୍ୟବଧାନରେ ହରାଇ ବ୍ରୋଂଜ ପଦକ ହାସଲ କରିଛନ୍ତି । ଜ୍ୟୋତି, ଅଦିତି ଓ ପରନୀତିଙ୍କ ତିନି ଜଣିଆ ତୀରାନ୍ଦାଜ କମ୍ପାଉଣ୍ଡ ମହିଳା ଟିମ୍ ଇଭେଣ୍ଟରେ ଚୀନ ତାଇପେକୁ ପରାସ୍ତ କରି ସ୍ୱର୍ଣ୍ଣ ପଦକ ଜିତିଥିଲେ ।
