ସୁଜାତା କାର୍ତ୍ତିକେୟ କେଉଁ ଉଦ୍ଦେଶ୍ୟରେ ଭିଆରଏସ ନେଲେ, ସେଇଟା ତାଙ୍କର ବ୍ୟକ୍ତିଗତ ନିଷ୍ପତି -ପ୍ରଦୀପ ଦିଶାରୀ
ଭୁବନେଶ୍ୱର :-ସୁଜାତା କାର୍ତ୍ତିକେୟ କେଉଁ ଉଦ୍ଦେଶ୍ୟରେ ଭିଆରଏସ ନେଲେ, ସେଇଟା ତାଙ୍କର ବ୍ୟକ୍ତିଗତ ନିଷ୍ପତି । ତେଣୁ ଏହାକୁ ରାଜନୀତିକରଣ କରିବା ଠିକ୍ ହେବ ନାହିଁ ବୋଲି କହିଛନ୍ତି ବିଜେଡି ବିଧାୟକ ପ୍ରଦୀପ ଦିଶାରୀ ।
ସେ କହିଛନ୍ତି ଯେ ହୁଏତ ଜଣେ ବ୍ୟକ୍ତିର ସ୍ଵାଧୀନତା ଅଛି, ସେ ରାଜନୀତି କ୍ଷେତ୍ରକୁ ଆସିପାରନ୍ତି କିମ୍ବା ନ ଆସିପାରନ୍ତି । ତେଣୁ ଯେହେତୁ ସେ ରାଜନୀତିକୁ ଆସିନାହାନ୍ତି, ବିଜେପି ତାଙ୍କ ଉପରେ କରୁଥିବା ଆଲୋଚନା ଅମୂଳକ ।
ସେ ବିଜେଡିରେ ମିଶିବେ କି ନାହିଁ, ସମୟ କହିବ । ତେଣୁ ଏବେ ଠୁ କିଛି କହିବା ଠିକ୍ ହେବ ନାହିଁ । ସେ ମିଶିବେ ବୋଲି ଆମ ଦଳରୁ ବି କିଛି ଆଭାସ ମିଳିନାହିଁ । ଦଳରେ ମିଶିବା ନେଇ ନବୀନ ପଟ୍ଟନାୟକ ହିଁ ନିଷ୍ପତି ନେବେ । ତେଣୁ ଏହା ଉପରେ ମତ ରଖିବା ଠିକ୍ ହେବ ନାହିଁ ବୋଲି ସେ କହିଛନ୍ତି ।
