ପୁରୀ : ଶାରଦୀୟ ଦୁର୍ଗା ପୂଜା ପାଇଁ ଚଳଚଞ୍ଚଳ ହୋଇଉଠିଛି ରାଜ୍ୟ ତଥା ରାଜ୍ୟ ବାହାରର ପ୍ରତ୍ୟେକ ପୂଜା ମଣ୍ଡପ । ଏହି ପବିତ୍ର ଦିବସରେ ଆନ୍ତର୍ଜାତିକ ବାଲୁକା ଚିତ୍ର ଶିଳ୍ପୀ ସୁଦର୍ଶନ ପଟ୍ଟନାୟକ ନିଜର ଆକର୍ଷଣୀୟ ବାଲୁକା କଳା ମାଧ୍ୟମରେ ସମସ୍ତଙ୍କୁ ଶାରଦୀୟ ଶୁଭେଚ୍ଛା ଜଣାଇଛନ୍ତି । ପୁରୀ ବେଳାଭୂମିରେ ୨ ହଜାରରୁ ଉର୍ଦ୍ଧ୍ଵ ଦୀପରେ ସେ ମା ଙ୍କ କଳାକୃତି ନିର୍ମାଣ କରିବା ସହ ଗଗନ ଯାନର ସଫଳତା କାମନା କରିଛନ୍ତି । ଦେବୀ ଦୁର୍ଗାଙ୍କ ମୁଖମଣ୍ଡଳକୁ ବାଲୁକା ଚିତ୍ର କଳାରେ କରାଯାଇଥିବା ବେଳେ ଏହା ଅତ୍ୟନ୍ତ ଆକର୍ଷଣୀୟ ହୋଇଛି । ପର୍ଯ୍ୟଟକ ଓ ସ୍ଥାନୀୟ ଲୋକେ ସୁଦର୍ଶନଙ୍କ ଏହି ବାଲୁକା କଳାକୁ ଦେଖି ବେଶ୍ ପ୍ରଶଂସା କରିଛନ୍ତି ।
