ରାଉରକେଲା : ରାଉରକେଲା ଉଦିତନଗର ଥାନା ଅଂଚଳରେ ଜଣେ ଦଶମ ଶ୍ରେଣୀ ଛାତ୍ରଙ୍କୁ ପଥରରେ ଛେଚି ହତ୍ୟା କରାଯାଇଛି । କଚରାପୋଲିଆରୁ ତାଙ୍କ ମୃତଦେହ ଉଦ୍ଧାର ହୋଇଛି । ସେ ନିକଟସ୍ଥ ବସ୍ତି ଓରାମପଡାର ବାସନ୍ଦା ଓ ଏକ ଇଂରାଜୀ ମିଡିୟମ୍ ସ୍କୁଲ ର ଛାତ୍ର ବୋଲି ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ଘଟଣା ସମ୍ପର୍କରେ ମୃତ ଛାତ୍ରଙ୍କ ପରିବାର ଲୋକଙ୍କ ଏତଲାକୁ ଭିତି କରି ଉଦିତନଗର ପୋଲିସ ତଦନ୍ତ ଆରମ୍ଭ କରିଛି । ପୋଲିସ ଘଟଣାସ୍ଥଳରେ ପହଂଚି ସାଇଂଟିଫିକ୍ ଟିମ୍ ସହାୟତାରେ ଛାନଭିନ୍ ଜାରି ରଖିଛି । ମୃତ ଛାତ୍ରଙ୍କ ୩ ଜଣ ସାଙ୍ଗଙ୍କୁ ଥାନାରେ ଅଟକ ରଖି ପଚରା ଉଚୁରା ଚଳାଇଛି ।
