ଭିଲୱାଡା : ସୋମବାର ସକାଳେ ଉଦୟପୁରରୁ ଜୟପୁର ଅଭିମୁଖେ ଯାଉଥିବା ବନ୍ଦେ ଭାରତ ଟ୍ରେନ ଚଳାଚଳକୁ ବନ୍ଦ କରିବା ପାଇଁ ଏକ ଷଡଯନ୍ତ୍ର କରାଯାଇଥିଲା । ଏହି ଷଡଯନ୍ତ୍ରର ଏକ ଅଂଶ ଭାବରେ ପଥର ଏବଂ ଲୁହା ରଡ ଟ୍ରାକରେ ରଖାଯାଇଥିଲା, କିନ୍ତୁ ଲୋକେ ପାଇଲଟଙ୍କ ସତର୍କତା ହେତୁ ଏକ ବଡ଼ ଦୁର୍ଘଟଣାକୁ ଏଡାଇ ଦିଆଯାଇଥିଲା ।
ଭିଲୱାଡା ଠାରୁ ପ୍ରାୟ ଚାଳିଶ କିଲୋମିଟର ଦୂରରେ ଥିବା ଚିତୋଡ ଜିଲ୍ଲାରେ ସୋନିଆ ଏବଂ ଗାଙ୍ଗର ରେଳ ଷ୍ଟେସନ ମଧ୍ୟରେ ପଥର ଓ ଲୁହା ରଡ ଲଗାଇ ଅଜ୍ଞାତ ଦୁଷ୍କର୍ମକାରୀମାନେ ଟ୍ରେନକୁ ଓଲଟାଇବାକୁ ଚେଷ୍ଟା କରିଥିଲେ । ସୂଚନା ପାଇବା ପରେ ରେଳ ସୁରକ୍ଷା ବଳ ଭିଲୱାଡା ଟିମ୍ ତୁରନ୍ତ ଘଟଣାସ୍ଥଳରେ ପହଂଚିଥିଲେ । ମାତ୍ର ଗୋଟିଏ ସପ୍ତାହ ମଧ୍ୟରେ ଏହା ହେଉଛି ଦ୍ୱିତୀୟ ପ୍ରୟାସ । ଏହାପୂର୍ବରୁ ଟ୍ରେନ୍ ଉଦ୍ଘାଟନର ପରଦିନ ପଥର ଫିଙ୍ଗାଯାଇଥିଲା । ବର୍ତମାନ ଟ୍ରେନ୍ ଚଳାଚଳ ବନ୍ଦ ପାଇଁ ଏକ ଷଡଯନ୍ତ୍ର କରାଯାଇଥିଲା ।
