ବେଆଇନ ବାଣ ଫ୍ୟାକ୍ଟ୍ରିରେ ବିସ୍ଫୋରଣରେ ଛଅଜଣଙ୍କର ମୃତ୍ୟୁ,ତିନିଜଣ ଶିଶୁ ମଧ୍ୟ ସାମିଲ
କୋଲକାତା 1 ଅପ୍ରେଲ-ଦକ୍ଷିଣ 24 ପରଗନା ଜିଲ୍ଲାର ପାଥରପ୍ରତିମାରେ ସୋମବାର ରାତିରେ ଏକ ବେଆଇନ ବାଣ ଫ୍ୟାକ୍ଟ୍ରିରେ ଏକ ବଡ ଧରଣର ବିସ୍ଫୋରଣ ଘଟିଛି,ଯେଉଁଥିରେ ଅତିକମରେ ଛଅଜଣଙ୍କର ମୃତ୍ୟୁ ଘଟିଛି।ମୃତକଙ୍କ ମଧ୍ୟରେ ତିନିଜଣ ଶିଶୁ ମଧ୍ୟ ସାମିଲ ଅଛନ୍ତି।ଏହି ଘଟଣା ରାତି ପ୍ରାୟ 10ଟା ସମୟରେ ସ୍ଥାନୀୟ ବାସିନ୍ଦା ଚନ୍ଦ୍ରନାଥ ବନିକଙ୍କ ଘରେ ଘଟିଛି ,ଯେଉଁଠାରେ ବେଆଇନ ଭାବରେ ବାଣ ନିର୍ମାଣ କରାଯାଉଥିଲା। ପ୍ରତ୍ୟକ୍ଷଦର୍ଶୀଙ୍କ କହିବାଅନୁସାରେ ବିସ୍ଫୋରଣର ଉଚ୍ଚ ଶବ୍ଦ ଶୁଣି ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଁଞ୍ଚିବାବେଳକୁ ସମ୍ପୁର୍ଣ୍ଣ ଘର ନିଆଁରେ ପୋଡି ହୋଇଯାଇଥିଲା।ଲୋକମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେକିନ୍ତୁ ପରିସ୍ଥିତି ନିୟନ୍ତ୍ରଣକୁ ଆସିନଥିଲା।ଏହାପରେ ଢୋଲାହାଟ ପୋଲିସ ଷ୍ଟେସନର ଟିମ ଏବଂ ରାଜ୍ୟ ଅଗ୍ନିଶମ ବିଭାଗର କର୍ମୀ ଘଟଣାସ୍ଥଳରେ ପହଁଞ୍ଚିଥିଲେ।ମଙ୍ଗଳବାର ସକାଳେ ଖବର ଲେଖିବା ପର୍ଯ୍ୟନ୍ତ ନିଆଁ ସମ୍ପୁର୍ଣ୍ଣ ଲିଭାଯାଇଥିଲା।
