ଗ୍ୟାଙ୍ଗଟକ : ସିକ୍କିମ ଟ୍ରାଜେଡି, ଆଜି ବି ନିଖୋଜ ଯବାନଙ୍କ ତଲାସୀ ଜାରି ରହିଛି । ସିକ୍କିମର ସିଙ୍ଗତାମ ବଜାର ନିକଟ ବାରଦାଙ୍ଗର ତିସ୍ତା ନଦୀରେ ଭାସିଯାଇଥିବା ଯବାନଙ୍କୁ ଆଜି ତୃତୀୟ ଦିନରେ ଖୋଜାଚାଲିଛି । ମଙ୍ଗଳବାର ରାତିରେ ହଠାତ୍ ବନ୍ୟା ଆସିବା ଯୋଗୁ ସେନାର 23ଜଣ ଯବାନ ଭାସିଯାଇଥିଲେ । ତେବେ ଏମାନଙ୍କୁ ମଧ୍ୟରୁ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା ।
ଭାରତୀୟ ସେନା ପକ୍ଷରୁ ଜାରି ହୋଇଥିବା ସୂଚନା ମୁତାବକ ନିଖୋଜ ଯବାନଙ୍କ ତଲାସୀ ଅଭିଯାନ ଜାରି ରହିଛି । ତିସ୍ତାନଦୀକୁ କେନ୍ଦ୍ର କରି ତଲାସୀ ଅଭିଯାନକୁ ଜୋରଦାର କରାଯାଇଛି । ଏହି ଅପରେସନରେ ତ୍ରିରଙ୍ଗା ମାଉଣ୍ଟେନ ରେସକ୍ୟୁ, ଟ୍ରାକର ଡଗ ଓ ସ୍ପେଶାଲ ରାଡାର ନିୟୋଜିତ କରାଯାଇଛି ।
