ଭୋପାଳ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ ଆଜି ଦ୍ୱିପ୍ରହର 12ଟା ବେଳେ ଭୋପାଳ ସ୍ଥିତ ମନ୍ତ୍ରାଳୟ ବଲ୍ଲଭ ଭବନ ପ୍ରାଙ୍ଗଣର ମଝିରେ 14ଜଣ ଦିଂବଗଡ ପୂର୍ବ ମୁଖ୍ୟମନ୍ତ୍ରୀମାନଙ୍କର ପ୍ରତିମୂର୍ତ୍ତିର ଅନାବରଣ କରିବେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶିବରାଜ ସିଂହ ଯୋଗ ଦେବେ । ଅନ୍ୟମାନଙ୍କ ମଧ୍ୟରେ ମନ୍ତ୍ରୀ, ସାଂସଦ, ପୂର୍ବ ସାଂସଦ, ପୂର୍ବ ବିଧାୟକ, ବିଭିନ୍ନ ରାଜନୈତିକ ଦଳର ପ୍ରତିନିଧିଙ୍କ ସହିତ ଦିଂବଗତ ମୁଖ୍ୟମନ୍ତ୍ରୀମାନଙ୍କର ସମ୍ପର୍କୀୟମାନେ ଉପସ୍ଥିତ ରହିବେ ।
ରାଜ୍ୟର ନେତୃତ୍ୱ ନେଇଥିବା ବ୍ୟକ୍ତିତ୍ୱମାନଙ୍କ ସ୍ମୃତିକୁ ଚିରସ୍ଥାୟୀ କରିବା ଉଦ୍ଦେଶ୍ୟରେ ମନ୍ତ୍ରାଳୟ ବଲ୍ଳଭ ଭବନ ପଡିଆରେ ଏହି ମୂର୍ତ୍ତି ସ୍ଥାପନା କରାଯାଇଛି। ଏଥିପାଇଁ ନଗର ଉନ୍ନୟନ ବିକାଶ ଏବଂ ଆବାସ ବିଭାଗ ପକ୍ଷରୁ ଏକ କୋଟି 3ଲକ୍ଷ 56ହଜାର ଟଙ୍କା ଅନୁଦାନ ଦିଆଯାଇଥିଲା । ଦିଂବଗତ ମୁଖ୍ୟମନ୍ତ୍ରୀଙ୍କ ପରିଜନମାନଙ୍କ ଅନୁମତି ପରେ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା ।
