ବରିଷ୍ଠ ସାମ୍ବାଦିକ ନାରାୟଣ ସାହାଣୀଙ୍କ ଦେହାନ୍ତ

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲାର ବରିଷ୍ଠ ସାମ୍ବାଦିକ ନାରାୟଣ ସାହାଣୀଙ୍କ ହୃଦ୍‌ଘାତରେ ଦେହାନ୍ତ ହୋଇଯାଇଛି। ବିଭିନ୍ନ ମହଲରେ ତଥା ବହୁ ମାନ୍ୟଗଣ୍ୟ ବ୍ୟକ୍ତିଙ୍କର ଶୋକ ପ୍ରକାଶ କରିଛନ୍ତି। କେନ୍ଦ୍ରାପଡ଼ା ଜିଲ୍ଲାର ପ୍ରଥମ ବୈଦ୍ୟୁତିକ ଗଣମାଧ୍ୟମ ଇଟିଭିର ସାମ୍ବାଦିକ ନାରାୟଣ ଚନ୍ଦ୍ର ସାହାଣୀ ୬୪ ବର୍ଷ ବୟସରେ ଆଜି ହୁଦଘାତରେ ଦେହାନ୍ତ ହୋଇଯାଇଛି। ଆଜି ସ୍ୱର୍ଗତ ସାହାଣୀଙ୍କର ହାତଗଢା ସାମ୍ବାଦିକ ଜିଲ୍ଲାର କୋଣ ଅନୁକୋଣରେ ସାମ୍ବାଦିକତା କରି ପ୍ରତିଷ୍ଠା ଅର୍ଜନ କରିଛନ୍ତି। ସ୍ୱର୍ଗତ ସାହାଣୀ ୨୦୨୨ ମସିହା ରେ ଘଟିଥିବା ରାସ୍ତା ଦୁର୍ଘଟଣାରେ ଆହାତ ହୋଇ ପକ୍ଷାଘାତ ଅବସ୍ଥାରେ ପାଟକୁରା ରେ ଥିବା ତାଙ୍କ ସହଧର୍ମିଣୀ ଙ୍କ ବାସଭବନରେ ରହୁଥିଲେ। ଗତ ୨୭ ତାରିଖରେ ତାଙ୍କ ଦେହ ଗୁରୁତ୍ୱର ଅସୁସ୍ଥ ହୋଇଯିବାରୁ ତାଙ୍କ ଭୁବନେଶ୍ୱରର ସମ ହସ୍ପିଟାଲରେ ଚିକିତ୍ସିତ କରାଯାଇଥିଲା। ଆଜି ଅପରାହ୍ନ ପ୍ରାୟ ୩ ଟା ସମୟରେ ହଠାତ ହୁଦଘାତ ହେବାରୁ ସେ ଶେଷ ନିଶ୍ୱାସ ତ୍ୟାଗ କରିଥିଲେ। ସ୍ୱର୍ଗତ ସାହାଣୀଙ୍କ ମୃତ୍ୟୁଶଯ୍ୟା ନିକଟରେ ତାଙ୍କର ସହଧର୍ମିଣୀ ତାଥା ପାଟକୁରା ହାଇସ୍କୁଲର ବରିଷ୍ଠ ଶିକ୍ଷୟତ୍ରୀ ରିନାବାଳା ମହାନ୍ତି ଓ ଦୁଇଟି ଝିଅ ମଧ୍ୟରୁ ବଡ ଝିଅ ଡାକ୍ତର ଐଶଯ୍ୟା ପ୍ରଜ୍ଞା ଲିସ୍ପା ସାହାଣୀ ଉପସ୍ଥିତ ଥିଲେ। ସ୍ୱର୍ଗତ ସାହାଣୀ ପ୍ରଥମେ ଦୈନିକ ଖବରକାଗଜ ପଜାତନ୍ତ୍ର ରୁ ତାଙ୍କର ସାମ୍ବାଦିକତା ଜୀବନ ଆରମ୍ବ କରିଥିଲେ। ପରେ ଜିଲ୍ଲାର ପ୍ରଥମ ବ୍ୟଦୁତିକ ଗଣମାଧ୍ୟମ ଇଟିଭିର ପ୍ରତିନିଧି ରୂପେ ଦୀର୍ଘ ବର୍ଷ ଧରି କାର୍ଯ୍ୟକରିଥିଲେ । ପରବର୍ତି ଅବସ୍ଥାରେ ଇଟିଭି ନିୟୁଜ ଓଡିଆ, ନିୟୁଜ୧୮ଓଡିଆ, ଓଡିଶା ଲାଇଭ୍‌ରେ ସାମ୍ବାଦିକତା କାର୍ଯ୍ୟକରି ଜିଲ୍ଲାରେ ବେଶ ସୁନାମ ଅର୍ଜନ କରିଥିଲେ। ତାଙ୍କର ଆବର୍ତମାନରେ ଓଡିଶା ଲାଇଭ ର ସମ୍ପାଦକ ନିଳାମ୍ବର ରଥ ,ନନ୍ଦିଘୋଷ ର ସାମ୍ବାଦିକ ମଳୟ ମହାନ୍ତି ସମେତ ବହୁ ବୈଦ୍ୟୁତିକ ଗଣମାଧ୍ୟମର ସମ୍ପାଦକ ଓ ବରିଷ୍ଠ ସାମ୍ବାଦିକ ମାନେ ଶୋକ ପ୍ରକଟ କରିଛନ୍ତି। ସ୍ୱର୍ଗତ ସାହାଣୀ ଙ୍କ ପରଲୋକ ଖବର ପାଇଁ ପାଟକୁରା ବାସଭବନ ଠାରେ ତାଙ୍କର ଶେଷ ଦର୍ଶନ କରିବା ପାଇଁ ସାମ୍ବଦିକ ମନୋଜ ସ୍ୱାଇଁ, ଜ୍ଞାନବଲଭ ମହାନ୍ତି, ବିଚିତ୍ର ପଟ୍ଟନାୟକ, ସୁବାସ ଖୁଂଟିଆ, ରବିନ୍ଦ୍ର ବାରିକ, ଗଣେଶ ଚନ୍ଦ୍ର ସାମଲ, ରାଜେଶ ବେହେରା, ପ୍ରଦିପ୍ତ ସ୍ୱାଇଁ, ସରୋଜ ପରିଡା, ନବଘନ ନାୟକ, ଶ୍ରୀକାନ୍ତ ନାୟକ, ଆଶିସ ସେନାପତି, ମନୋଜ କର, ଦିପ୍ତିରଂଜନ ମାହାନ୍ତି, ରବିନ ଦାସ, ଲକ୍ଷ୍ମୀକାନ୍ତ ନାୟକ, ଆବୁଓବେଦା, ଅମର ବିଶ୍ୱାଳ, ଶଶିଭୁଷଣ ଜେନା, ସୁବାସ ସାମଲ, ଧିରେନ ମିଶ୍ର, ଶିବ ପ୍ରସାଦ ପରିଜା ,ରଂଜନ ସ୍ୱାଇଁ , ଦେବାଶିଷ ମିଶ୍ର , ଗୋକୁଳାନନ୍ଦ ପରିଜା, ପ୍ରଭାତ ପରିଡା, ମାତୃଦତ ମହାନ୍ତି ,ହିମାଶୁ ନାୟକ, ପ୍ଲାବନ ସ୍ୱାଇଁ , ସୁବାସ ସାହୁଙ୍କ ସମେତ ସମାଜସେବୀ ଅଜୟ ରାଉତ ତାଙ୍କ ବାସଭବନରେ ପହଂଚି ଶେଷ ଦର୍ଶନ କରିଥିଲେ। ତାଙ୍କ ପ୍ରାର୍ôଥବ ଶରୀରକୁ ନିଜ ଗାଁ କେନ୍ଦ୍ରାପଡା ବ୍ଲକ ଅନ୍ତର୍ଗତ କଚିରିପଡାରେ ଥିବା ପୈତୃକ ବାସଭବନରୁ ଶୋଭାଯାତ୍ରରେ ନିଆଯାଇଥିଲା। ଆସନ୍ତା କାଲି ଆନ୍ଧ୍ରଦେଶର ଗୁଂଟୁର ମେଡିକାଲ କଲେଜର ଶେଷ ବର୍ଷ ଛାତ୍ରୀ ଥିବା ତାଙ୍କ ସାନ ଝିଅ ପ୍ରିତଲିସ୍ପ୍‌ା ସାହାଣୀ ପହଂଚିବା ପରେ ତାଙ୍କର ଗାଁ ସ୍ମଶାନରେ ଶେଷ କୃତ୍ୟ କରାଯିବ ବୋଲି ପରିବାର ଲୋକ ସୂଚନା ପ୍ରଦାନ କରିଛନ୍ତି।