ଇରାନରେ କଏଦୀଙ୍କୁ ମୃତ୍ୟୁ ଦଣ୍ଡାଦେଶ ପରେ ଜେଲ ଜାଳିଦେଲେ ଅନ୍ତେବାସୀ

ତେହରାନ : ଇରାନର ରାଜଧାନୀ ତେହରାନରେ ଶୁକ୍ରବାର ଦିନ ରାମହାର୍ମିଜ ଜେଲରେ ଜଣେ କଏଦୀକୁ ମୃତ୍ୟୁ ଦଣ୍ଡାଦେଶ ଦିଆଯିବା ପରେ ତୁମୂଳକାଣ୍ଡ ଘଟିଛି । ସଜ୍ଜା ମିଳିବା ପରେ ଜେଲରେ ଥିବା ଅନ୍ୟ କଏଦୀମାନେ ରାଗିଯାଇ ନିଆଁ ଲଗାଇବା ସହ ଦଙ୍ଗା ଆରମ୍ଭ କରିଦେଇଥିଲେ । ଦଙ୍ଗା ସମୟରେ ଗୁଳି ଫୁଟିବାର ଶବ୍ଦ ମଧ୍ୟ ଶୁଣିବାକୁ ମିଳିଥିଲା ।

ଗଣମାଧ୍ୟମ ରିପୋର୍ଟର ସୂଚନା ମୁତାବକ, ଚଳିତ ବର୍ଷ ଡ୍ରଗ୍ ସମ୍ବନ୍ଧୀୟ ଅପରାଧରେ ଦୋଷୀ ସାବ୍ୟସ୍ତ ହୋଇଥିବା ଅତି କମରେ 173 ଜଣଙ୍କୁ ଫାଶୀ ଦିଆଯାଇଛି। ଏହାକୁ ନେଇ କଏଦୀମାନେ ଅତ୍ୟନ୍ତ ଅସନ୍ତୁଷ୍ଟ ଅଛନ୍ତି ।

ତେବେ ଦକ୍ଷିଣ-ପଶ୍ଚିମ ଇରାନର ଏକ ଜେଲରେ କଏଦୀଙ୍କୁ ମୃତ୍ୟୁ ଦଣ୍ଡାଦେଶ ଶୁଣାଯିବା ପରେ ସାଥୀ କଏଦୀମାନେ ଏହାକୁ ବିରୋଧ କରି ଜେଲରେ ନିଆଁ ଲଗାଇବା ସହ ଗୁଳି ଚଳାଇଥିଲେ । ଚୀନ ପରେ ବିଶ୍ୱରେ ଅଧିକ ଫାଶୀ ଦେଉଥିବା ଦେଶ ହେଉଛି ଇରାନ ।