
ଦିଲ୍ଲୀରେ ପ୍ରଦୁଷିତ ବାୟୁ ବିପର୍ଯ୍ୟସ୍ତ ,ହାରାହାରି ଏକ୍ୟୁଆଇ 441
ନୁଆଦିଲ୍ଲୀ 15 ନଭେମ୍ବର-ଜାତୀୟ ରାଜଧାନୀ ଦିଲ୍ଲୀରେ ଶୁକ୍ରବାର ପ୍ରଦୁଷିତ ବାୟୁ ବିପର୍ଯ୍ୟସ୍ତ ହୋଇପଡିଛି। ସକାଳେ ରାଜଧାନୀ ଘନ କୁହୁଡିରେ ଆଚ୍ଛାଦିତ ହୋଇଥିବାର ଦେଖାଯାଇଥିଲା।ସକାଳ 7ଟାରେ ଦିଲ୍ଲୀର ହାରାହାରି ବାୟୁ ଗୁଣବତ୍ତା ସୁଚକାଙ୍କ (ଏକ୍ୟୁଆଇ)441 ରେକର୍ଡ କରାଯାଇଥିଲା।ଦେଶର ରାଜଧାନୀରେ ଏକ୍ୟୁଆଇ 400 ରୁ 500 ମଧ୍ୟରେ ଅଛି।ଅନେକ ଅଞ୍ଚଳରେ ଏକ୍ୟୁଆଇ 450 ଅତିକ୍ରମ କରିଛି।ଏହି କାରଣରୁ ଶ୍ୱାସ ରୋଗରେ ପିଡୀତ ଲୋକଙ୍କ ସମସ୍ୟା ବଢିଛି।ପ୍ରଦୁଷଣର ଖରାପ ପରିସ୍ଥିତିକୁ ଦୃଷ୍ଟିରେ ରଖି ଆଜି ଠାରୁ ଗ୍ରେପର ତୃତୀୟ ପର୍ଯ୍ୟାୟ କାର୍ଯ୍ୟକାରୀ କରାଯାଇଛି।କେନ୍ଦ୍ରୀୟ ପ୍ରଦୁଷଣ ନିୟନ୍ତ୍ରଣ ବୋର୍ଡ ଅନୁସାରେ ସକାଳ 7ଟାରେ ଦିଲ୍ଲୀର ହାରାହାରି ଏକ୍ୟୁଆଇ 441 ରେକର୍ଡ କରାଯାଇଛି।