ମୁମ୍ବାଇ : ନାସିକ ଜିଲ୍ଲାର ଶିନ୍ଦେ ପଲାସେ ଅଂଚଳରେ ଏକ କମ୍ପାନୀ ଉପରେ ଚଢ଼ଉ କରି ପୋଲିସ ସେଠାରୁ ୧୩୨ କେଜି ଡ୍ରଗ୍ସ ଜବତ କରିଛି । ଜବତ ଡ୍ରଗ୍ସ ର ଆନୁମାନିକ ମୂଲ୍ୟ କୋଟିଏ ଟଙ୍କା ହେବ । ଘଟଣାରେ କମ୍ପାନୀର ମାଲିକ ଭୂଷଣ ପାଟିଲଙ୍କୁ ଗିରଫ କରିଛି ପୋଲିସ । ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ, ମୁମ୍ବାଇର ସାକିନାକା ଥାନାର ପୋଲିସ ଟିମ୍ ତିନି ଦିନ ତଳେ ଜଣେ ଡ୍ରଗ୍ସ ତସ୍କରକୁ ଗିରଫ କରିଥିଲା । ତାକୁ ପଚରା ଉଚୁରା ବେଳେ ନାସିକ ର ଡ୍ରଗ୍ସ ତିଆରି କରୁଥିବା କମ୍ପାନୀ ଶ୍ରୀ ଗଣେଶାୟ ଇଣ୍ଡଷ୍ଟ୍ରିଜ୍ ବିଷୟରେ ସୂଚନା ମିଳିଥିଲା । ଏହାପରେ ସାକିନାକା ପୋଲିସର ଏକ ଟିମ୍ ନାସିକ ପୋଲିସ ସହିତ ମିଳିତ ଭାବେ ଆଜି ଶିନ୍ଦେ ପଲାସେ ଅଂଚଳରେ ଥିବା ଏହି କମ୍ପାନୀରେ ଚଢ଼ଉ କରିଥିଲା ।
