ନୂଆଦିଲ୍ଲୀ : ଆଜି ହେଉଛି ଭାରତର ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଜନ୍ମଦିନ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ସୋସିଆଲ ମିଡିଆ ଏକ୍ସରେ ମୋଦି ତାଙ୍କୁ ଶୁଭେଚ୍ଛା ଜଣାଇବା ସହ କହିଛନ୍ତି ଯେ, ତାଙ୍କର ଆଦର୍ଶ ନେତୃତ୍ୱ ଏବଂ ଦେଶ ପ୍ରତି ଉତ୍ସର୍ଗୀକୃତ ଅବଦାନ ଏକ ଅବିସ୍ମରଣୀୟ ଚିହ୍ନ ଛାଡିଛି। ତାଙ୍କର ଜ୍ଞାନ ଏବଂ ନମ୍ରତା ସର୍ବଦା ପ୍ରକାଶିତ ହେଉଛି । ତାଙ୍କର ଜନ୍ମଦିନରେ ଦୀର୍ଘାୟୁ ଏବଂ ନିରାମୟ ଜୀବନ କାମନା କରୁଛି ।
