ନୂଆଦିଲ୍ଲୀ : ଆଜି ହେଉଛି ଭାରତର ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୁର ଶାସ୍ତ୍ରୀଙ୍କ ଜୟନ୍ତୀ । ଏହି ଅବସରରେ ଲାଲ ବାହାଦୁର ଶାସ୍ତ୍ରୀଙ୍କ ସ୍ମୃତିଚାରଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ସୋସିଆଲ ମିଡିଆ ଏକ୍ସରେ ଶାସ୍ତ୍ରୀଜୀଙ୍କୁ ଶ୍ରଦ୍ଧାଞ୍ଜଳି ଜଣାଇ ମୋଦି ଲେଖିଛନ୍ତି ଯେ, ତାଙ୍କର ସରଳତା, ଦେଶ ପ୍ରତି ନିଷ୍ଠା ଏବଂ ଦେଶପ୍ରେମୀ ସ୍ଲୋଗାନ ଜୟ ଯବାନ, ଜୟ କିଷାନ ଆଜି ମଧ୍ୟ ପିଢି ପରେ ପିଢିକୁ ପ୍ରେରଣା ଯୋଗାଇଥାଏ । ଭାରତର ଅଗ୍ରଗତି ପ୍ରତି ତାଙ୍କର ଅଦମ୍ୟ ପ୍ରତିବଦ୍ଧତା ଏବଂ ଚ୍ୟାଲେଞ୍ଜିଂ ସମୟରେ ତାଙ୍କ ନେତୃତ୍ୱ ଆଦର୍ଶ ହୋଇ ରହିଛି। ଏକ ଶକ୍ତିଶାଳୀ ଭାରତ ପାଇଁ ତାଙ୍କର ଦୂରଦୃଷ୍ଟି ହାସଲ କରିବା ପାଇଁ ଆମେ ସର୍ବଦା କାର୍ଯ୍ୟ କରିବା ।
