ନୂଆଦିଲ୍ଲୀ : ଏସୀୟ କ୍ରୀଡାରେ ଭାରତୀୟ ମହିଳା କବାଡି ଟିମ୍ ସ୍ୱର୍ଣ୍ଣ ପଦକ ଜିତିବା ପରେ ବିଭିନ୍ନ ମହଲରୁ ଛୁଟିଛି ଶୁଭେଚ୍ଛାର ସୁଅ । ଭାରତ ପାଇଁ ଐତିହାସକ ମୁହୂର୍ତ୍ତକୁ ନେଇ ଭାରତୀୟ ମହିଳା କବାଡି ଟିମକୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସୋସିଆଲ ମିଡିଆ ଏକ୍ସରେ ପିଏମ ମୋଦି କହିଛନ୍ତି ଯେ, ଏସୀୟ ଗେମରେ ଏହା ଭାରତ ପାଇଁ ଏକ ଐତିହାସକ ମୁହୂର୍ତ୍ତ । ଆମର ମହିଳା କବାଡି ଟିମ୍ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଏହି ବିଜୟ ଆମର ମହିଳା ଆଥଲେଟ୍ ମାନଙ୍କର ଅଦ୍ୟମ ଇଚ୍ଛାଶକ୍ତିର ଏକ ପ୍ରମାଣ । ଏହି ସଫଳତା ପାଇଁ ଭାରତ ଗର୍ବିତ । କବାଡି ଟିମକୁ ଶୁଭେଚ୍ଛର ଜଣାଉଛି । ଭବିଷ୍ୟତର ଖେଳ ପାଇଁ ଶୁଭେଚ୍ଛା ଜଣାଉଛି ବୋଲି ଲେଖିଛନ୍ତି ପିଏମ ମୋଦି ।
