ନୂଆଦିଲ୍ଲୀ : ଏସୀୟ କ୍ରୀଡାର କମ୍ପାଉଣ୍ଡ ତୀରନ୍ଦାଜ ପୁରୁଷ ଏକକ ଇଭେଣ୍ଟରେ ଭାରତୀୟ ଖେଳାଳି ଓଜୋସ ପ୍ରବୀଣ ଦେଓତଲେ ସ୍ୱର୍ଣ୍ଣ ପଦକ ହାସଲ ପରେ ତାଙ୍କୁ ବିଭିନ୍ନ ମହଲରୁ ଛୁଟିଛି ଶୁଭେଚ୍ଛାର ସୁଅ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଶୁଭେଚ୍ଛା ଜଣାଇଛନ୍ତି । ନିଜ ସୋସିଆଲ ମିଡିଆ ବାର୍ତ୍ତାରେ ପିଏମ ମୋଦି ଲେଖିଛନ୍ତି ଯେ, ସ୍ୱର୍ଣ୍ଣ ପଦକ ହାସଲ କରିଥିବାରୁ ଓଜୋସଙ୍କୁ ଅଭିନନ୍ଦନ ଜଣାଉଛି । ତାଙ୍କର ସଠିକତା, ନିଷ୍ଠା ଓ ଅଦମ୍ୟ ଧ୍ୟାନ ପୁଣି ଥରେ ଆମ ଦେଶକୁ ଗର୍ବିତ କରିଛି । ଏହା ଭାରତ ପାଇଁ ଆଉ ଏକ ଗର୍ବର ମୁହୂର୍ତ୍ତ ବୋଲି ପିଏମ ଲେଖିଛନ୍ତି ।
