ଇସଲାମାବାଦ, ୦୪ ଅକ୍ଟୋବର – ପାକିସ୍ଥାନର ବିଶୃଙ୍ଖଳିତ ଖାଇବର ପଖତନୁଖ୍ୱା ପ୍ରଦେଶର ଟ୍ୟାଙ୍କ ଜିଲ୍ଲାରେ ହୋଇଥିବା ଅପରେସନରେ ସୁରକ୍ଷା ବାହିନୀ ଦ୍ୱାରା ଅତି କମ୍ରେ ୧୦ ଜଣ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ମଙ୍ଗଳବାର ସନ୍ଧ୍ୟାରେ ପାକିସ୍ଥାନ ସେନାର ମିଡ଼ିଆ ୱିଙ୍ଗ୍ ଆଇଏସପିଆର ଏହି ସୂଚନା ଦେଇଛି ।
ଗଣମାଧ୍ୟମର ରିପୋର୍ଟ ଅନୁଯାୟୀ ଏଠାରେ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୁରକ୍ଷା ବାହିନୀ ସୂଚନା ପାଇଥିଲେ । ଏହା ପରେ ଆଫଗାନିସ୍ଥାନ ସୀମାବର୍ତୀ ଏହି ଜିଲ୍ଲାରେ ଏହି ଅଭିଯାନ କରାଯାଇଥିଲା । ସୋମବାର ରାତିରେ ସୁରକ୍ଷା ବାହିନୀ ଦଶ ଜଣ ଆତଙ୍କବାଦୀଙ୍କୁ ହତ୍ୟା କରିଥିଲେ । ରିପୋର୍ଟରେ କୁହାଯାଇଛି ଯେ, ଏହି ଆତଙ୍କବାଦୀମାନେ ମଧ୍ୟ ସାଧାରଣ ଲୋକଙ୍କଠାରୁ ଟଙ୍କା ଲୁଟି ନେଇଥିଲେ । ସେମାନଙ୍କ ନିକଟରୁ ବହୁ ସଂଖ୍ୟକ ଅସ୍ତ୍ରଶସ୍ତ୍ର, ଗୁଳିଗୋଳା ଏବଂ ବିସ୍ଫୋରକ ସାମଗ୍ରୀ ଉଦ୍ଧାର କରାଯାଇଛି ।
