ପୁରୀ, ୭ ଜୁଲାଇ – ଆଜି ପୁରୀରେ ରଥଟଣା ବେଳେ ଘଟିଛି ଅଘଟଣ । ଦଳାଚକଟାରେ ଜଣେ ଭକ୍ତଙ୍କ ମୃତ୍ୟୁ ଘଟିଛି । ତାଳଧ୍ଵଜ ରଥଟଣା ବେଳେ ହିନ୍ଦୀ ସ୍କୁଲ ଛକ ପାଖରେ ଠେଲାପେଲା ହୋଇଥିଲା । ଏଥିରେ ଦଳାଚକଟାରେ ଜଣେ ପୁରୁଷ ଶ୍ରଦ୍ଧାଳୁଙ୍କ ମୃତ୍ୟୁ ଘଟିଛି । ପୁରୀ ଜିଲ୍ଲା ଚିକିତ୍ସାଳୟରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଠେଲାପେଲାରେ ୧୦ ଜଣ ଆହତ ହୋଇଛନ୍ତି । ଆହତ ଶ୍ରଦ୍ଧାଳୁ ମାନଙ୍କୁ ନିକଟସ୍ଥ ଆଶୁ ଚିକିତ୍ସାଳୟରେ ଭର୍ତି କରାଯାଇଛି । କେତେକ ଆହତଙ୍କୁ ପୁରୀ ମେଡିକାଲରେ ଭର୍ତି କରାଯାଇଛି । ସେଠାରେ ସେମାନଙ୍କୁ ଚିକିତ୍ସା ସେବା ଯୋଗାଇ ଦିଆଯାଉଛି ।
