ବିଧାନସଭାରେ ଦୀର୍ଘ ସମୟ ଆଲୋଚନା ପରେ ପାରିତ ହେଲା ଓଡିଶା ବିଶ୍ୱ ବିଦ୍ୟାଳୟ ସଂଶୋଧନ ବିଲ -2024
ଭୁବନେଶ୍ୱର, 03 ଏପ୍ରିଲ – ଦୀର୍ଘ ସମୟ ଧରି ଆଲୋଚନା ଓ ବିତର୍କ ପରେ ଆଜି ଭୋରରେ ଓଡିଶା ବିଶ୍ୱ ବିଦ୍ୟାଳୟ ସଂଶୋଧନ ବିଲ -2024 ପାରିତ ହୋଇଛି । ବୁଧବାର ଅପରାହ୍ନ 4ଟାରୁ ଏହି ବିଲ ଉପରେ ବିତର୍କ ଆରମ୍ଭ ହୋଇଥିଲା ଓ 12 ଘଂଟାରୁ ଉର୍ଧ ସମୟ ଧରି ଆଲୋଚନା ହେବା ପରେ ଆଜି ସକାଳ 4.29 ମିନିଟରେ ବିଲଟି ପାରିତ ହୋଇଥିଲା ।ଶେଷ ଯାଏଁ ଉପସ୍ଥିତ ଥିଲେ ମୁଖ୍ୟମନ୍ତ୍ରୀ ମୋହନ ମାଝୀ. । ତେବେ ଗୃହରେ ବିରୋଧୀ ଦଳ ନେତା ନବୀନ ପଟନାୟକ ଅନୁପସ୍ଥିତ ଥିଲେ । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା. ଦୁଇ ମହିଳା ବିଧାୟିକା ଉପାସନା ମହାପାତ୍ର ଏବଂ ସଞ୍ଜଳି ମୁର୍ମୁ ମଧ୍ୟ ଶେଷ ଯାଏଁ ଉପସ୍ଥିତ ଥିଲେ ।
ବିରୋଧୀ ଦଳ ପକ୍ଷରୁ ବରିଷ୍ଠ ବିଧାୟକ ରାଜା ସ୍ୱାଇଁ, ଅରୁଣ ସାହୁ, ଗଣେଶ୍ଵର ବେହେରା, ଧ୍ରୁବ ସାହୁ ବିଲ ବିରୋଧରେ ବଳିଷ୍ଠ ଯୁକ୍ତି ବଢିଥିଲେ । ସେହିପରି ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟଵଂଶୀ ସୂରଜ ମଧ୍ୟ ବିରୋଧୀଙ୍କୁ ଗୋଟିଏ ଗୋଟିଏ ପ୍ରଶ୍ୱର ଉତର ଦେଇଥିଲେ । ସାଢେ 12 ଘଣ୍ଟା ଧରି ବହୁ ଯୁକ୍ତି ତର୍କ ଏବଂ ଆଲୋଚନା ପରେ ବିଶ୍ୱବିଦ୍ୟାଳୟ ସଂଶୋଧିତ ବିଲ 2024 ପାରିତ ହୋଇଛି. ଭୋର ସମୟରେ ଓଡିଶା ପ୍ରତି ଶିକ୍ଷାର ସୂର୍ଯ୍ୟଦୋୟ ହେବ ବୋଲି କହିଥିଲେ ଉଚ୍ଚ ଶିକ୍ଷା ମନ୍ତ୍ରୀ. ବିଲ ପାରିତ ପାଇଁ ସମସ୍ତ ସଦସ୍ୟଙ୍କୁ ଧନ୍ୟବାଦ ଦେଇଥିଲେ ମନ୍ତ୍ରୀ ।
