ଭୁବନେଶ୍ୱର : ସୁରକ୍ଷାକର୍ମୀଙ୍କ ଦ୍ୱାରା କମ୍ଭିଂ ଅପରେସନ ବେଳେ ନୂଆପଡା ଜିଲ୍ଲାରେ ଏକ ମାଓବାଦୀ କ୍ୟାମ୍ପ ଠାବ କରାଯାଇଛି । ସେହି କ୍ୟାମ୍ପରୁ ବିପୁଳ ମାତ୍ରାରେ ଗୋଳାବାରୁଦ ଓ ଅସ୍ତ୍ର ଶସ୍ତ୍ର ଜବକ କରାଯାଇଛି । ନୂଆପଡା ପୋଲିସ ପକ୍ଷରୁ ଏହି ସୂଚନା ଦିଆଯାଇଛି ।
ନୂଆପଡା ପୋଲିସ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ସୁରକ୍ଷାବଳଙ୍କ ପକ୍ଷରୁ ଏକ ନକ୍ସଲ ବିରୋଧୀ ଅଭିଯାନ ଚାଲିଥିବା ବେଳେ ଏହି ସଫଳତା ମିଳିଛି । ଏସଏଜି. ଡିଭିଏଫ ଓ ସିଆରପିଏଫ ଜବାନ ମାନଙ୍କ ଦ୍ୱାରା ମିଳିତ ଭାବେ ଏହି ଅଭିଯାନ ଚଳା ଯାଉଥିଲା । ଓଡିଶା ଛତିସଗଡ ସୀମାନ୍ତରେ ସିନାପାଲୀ ଥାନା କ୍ଷେତ୍ରରେ ଏହି ମାଓବାଦୀ କ୍ୟାମ୍ପ ଠାବ ହୋଇଥିଲା । ଏଥିରେ ମାଓବାଦୀ ସାହିତ୍ୟ, ନକ୍ସଲବାଦୀ ମାନଙ୍କ ପୋଷାକ, ଡିଟୋନେଟର, ବିସ୍ଫୋରକ ସହ ବହୁ ସାମଗ୍ରୀ ଜବତ କରାଯାଇଛି । ବର୍ତମାନ ମଧ୍ୟ ସେଠାରେ ଅଭିଯାନ ଚାଲୁ ରହିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି ।
