ସମ୍ବଲପୁର, ୨୩ ସେପ୍ଟେମ୍ବର – ସମ୍ବଲପୁର ଜିଲ୍ଲା ବାମରା ବ୍ଲକ ଅଂଚଳରେ ମହା ସମାରୋହରେ ନୂଆଁଖାଇ ଭେଟଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବାମରା ବ୍ଲକ ନୁନିଆମୁଣ୍ଡା ଗ୍ରାମରେ ବି.ଆର.ଆମ୍ବେଦକର କ୍ଲବ ଏବଂ ଗ୍ରାମବାସୀ ମିଳିତ ଭାବେ ଗଣେଶ ପୂଜା ସାଙ୍ଗକୁ ନୂଆଁଖାଇ ଭେଟଘାଟ ପାଳନ କରିଥିଲେ । ଉତ୍ସବରେ ବାମରା ବ୍ଲକର ପୂର୍ବତନ ଅଧ୍ୟକ୍ଷ ପ୍ରଦୀପ କୁମାର ମିଶ୍ର ମୁଖ୍ୟ ଅତିଥି, ବାଉଁଶଲଗା ଗ୍ରାମ ପଂଚାୟତର ପୂର୍ବତନ ସରପଂଚ ମହାବୀର ପ୍ରସାଦ ଖଣ୍ଡେଲୱାଲ ମୁଖ୍ୟବକ୍ତା ଭାବରେ ଯୋଗଦାନ କରିଥିଲେ । ସମ୍ମାନିତ ଅତିଥି ଭାବେ ଉଚ୍ଚକାପାଟ ସମିତି ସଭ୍ୟା ସୌଦାମିନୀ ନାଏକ, ସାମ୍ବାଦିକ କ୍ଷିରୋଦ ସା, କକିଳ ଜୟପୁରିଆ, ନକୁଳ ବଙ୍କରା ଯୋଗଦାନ ଦେଇଥିବା ବେଳେ ପୂର୍ବତନ ସରପଂଚ ଦିଲ୍ଲୀପ ଛତ୍ରିଆ ସଭାପତି ଏବଂ ଶିକ୍ଷକ ଲେଲିନ ସେନ ଗୋପାଳ ମଂଚ ପରିଚାଳନା କରିଥିଲେ । ଶେଷରେ ତପନ ଜୟପୁରିଆ ଧନ୍ୟବାଦ ଦେଇଥିଲେ । ପୂଜା କମିଟିର ସଭାପତି ବସନ୍ତ ବାଘ, ସମ୍ପାଦକ ରୋହିତ ଜୟପୁରିଆ,ସୁଜିତ ବଙ୍କରା, ତେଜରାଜ ହାତୀ, କେଶବ ଜୟପୁରିଆ, ପଙ୍କଜ ବାଘ, ଅଜୟ ସମେତ କ୍ଲବର ସମସ୍ତ ମେମ୍ବର ଏବଂ ଗ୍ରାମବାସୀ ଯୋଗଦାନ କରିଥିଲେ ।
