ଖାଲିସ୍ତାନୀ ଆତଙ୍କବାଦୀ ଏବଂ ଶିଖ୍ ଫର ଜଷ୍ଟିସ୍ (SFJ) ମୁଖ୍ୟ ଗୁରୁପତୱନ୍ତ ସିଂ ପନ୍ନୁ ବିରୋଧରେ ଏନଆଇଏ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। NIA ଅମୃତସର ଏବଂ ଚଣ୍ଡିଗଡ଼ରେ ପନ୍ନୁର ସମ୍ପତ୍ତି ଜବତ କରିଛି । ଚଣ୍ଡିଗଡ଼ରେ ଥିବା ଘରକୁ ମଧ୍ୟ ଜବତ କରାଯାଇଛି । ଏହା କୁହାଯାଉଛି ଯେ, ଏହା ପୂର୍ବରୁ 2020 ରେ ମଧ୍ୟ ପନ୍ନୁଙ୍କ ସମ୍ପତ୍ତି ଜବତ କରାଯାଇଥିଲା। ପନ୍ନୁ ବର୍ତ୍ତମାନ ଆମେରିକାରେ ରହୁଛି ଏବଂ ସେ ଭାରତ ବିରୋଧୀ ଭିଡିଓ ଜାରି କରୁଛି।
କୁହାଯାଉଛି ଯେ, ଜବତ ହୋଇଥିବା ସମ୍ପତ୍ତିରେ ଅମୃତସର ଜିଲ୍ଲା ଉପକଣ୍ଠରେ ଥିବା ଗୁରୁପତୱନ୍ତ ସିଂ ପନ୍ନୁଙ୍କ ପୈତୃକ ଗ୍ରାମ ଖାନକୋଟରେ 46 ଟି କେନାଲ କୃଷି ସମ୍ପତ୍ତି ରହିଛି। ଏନଆଇଏ ଦ୍ୱାରା ଜବତ ହୋଇଥିବା ଅନ୍ୟ ଏକ ସମ୍ପତ୍ତି ହେଉଛି ଚଣ୍ଡିଗଡ଼ର ସେକ୍ଟର 15-ସି ରେ ଥିବା ତାଙ୍କ ଘର ନମ୍ବର 2033 ।
ଦିଲ୍ଲୀରେ ହେବାକୁ ଥିବା ଜି -20 ଶିଖର ସମ୍ମିଳନୀ ପୂର୍ବରୁ ଚାରିଟି ମେଟ୍ରୋ ଷ୍ଟେସନ ଏବଂ ଏକ ବିଲ୍ଡିଂ ଉପରେ ଖାଲିସ୍ତାନୀ ସମର୍ଥନ ସ୍ଲୋଗାନ ଲେଖାଯାଇଥିଲା। କୁହାଯାଉଛି ଯେ, ଗୁରୁପତୱନ୍ତ ସିଂ ପନ୍ନୁ ନିର୍ଦ୍ଦେଶରେ ପଞ୍ଜାବର କିଛି ଲୋକ ଦିଲ୍ଲୀର ମେଟ୍ରୋ ଷ୍ଟେସନ ଏବଂ ବିଲଡିଂରେ ଖାଲିସ୍ତାନୀ ସମର୍ଥକ ସ୍ଲୋଗାନ ଲେଖିଥିଲେ।
