ମୁମ୍ବାଇ : ସ୍ୱାଧୀନତା ଦିବସ ପୂର୍ବରୁ ମୁମ୍ବାଇରୁ ଧରା ହେଲେ ୩ ସନ୍ଦିଗ୍ଦ ଆତଙ୍କବାଦୀ । ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି (ଏନଆଇଏ) କୋହ୍ଲାପୁରର ୩ଟି ସ୍ଥାନରେ ଚଢାଉ କରି ୩ଜଣ ସନ୍ଦିଗ୍ଧ ଆତଙ୍କବାଦୀମାନଙ୍କୁ ଧରିଛି । ଗିରଫ ହୋଇଥିବା ୩ ଅଭିଯୁକ୍ତଙ୍କ ଘରୁ ସନ୍ଦେହଜନକ କାଗଜପତ୍ର, ଇଲେକ୍ଟ୍ରୋନିକ୍ସ ସାମଗ୍ରୀ ଓ ଳୁହାର କିଛି ଅସ୍ତ୍ରଶସ୍ତ୍ର ଜବତ କରିଛି ଏନଆଇଏ ।ଏହି ୩ଅଭିଯୁକ୍ତଙ୍କ ସମ୍ପର୍କ ଆତଙ୍କୀ ସଙ୍ଗଠନ ସହ ରହିଥିବା ସୂଚନା ମିଳିଛି । ଅନ୍ୟପଟେ ଏନଆଇଏ ୩ଜଣଙ୍କୁ ପଚରାଉଚରା କରୁଛି ।
ରବିବାର ସକାଳେ ଏନଆଇଏ ଟିମ୍ ମହାରାଷ୍ଟ୍ରର କୋହ୍ଲାପୁର, ହୁପରୀ ଓ ନାସିକର ୫ଟି ସ୍ଥାନରେ ରେଡ୍ କରିଥିଲା । ନାସିକରେ ଜଣେ ବ୍ୟକ୍ତିଙ୍କୁ ଏନଆଇଏ ଟିମ୍ ୫ଘଣ୍ଟା ପଚରାଉଚରା କରିଥିବା ବେଳେ ରବିବାର ରାତିରେ ଛାଡିଥିଲା । ଏନଆଇଏର ଟିମ୍ କୋହ୍ଲାପୁରର ୩ଟି ସ୍ଥାନରେ ରେଡ୍ କରି ୩ଜଣଙ୍କୁ ଅଟକ ରଖିଥିବା ବେଳେ ରବିବାର ରାତିରେ ଗିରଫ କରିଛି ।
