କାଠମାଣ୍ଡୁ : ଆମେରିକା ଓ ଚୀନ ଗସ୍ତରେ ଯିବେ ନେପାଳ ପ୍ରଧାନମନ୍ତ୍ରୀ ପୁଷ୍ପକମଳ ଦାହାଲ ପ୍ରଚଣ୍ଡ । ନେପାଳ ପ୍ରଧାନମନ୍ତ୍ରୀ 17-27 ସେପ୍ଟେମ୍ବର ମଧ୍ୟରେ ନ୍ୟୁୟର୍କରେ ହେବାକୁ ଥିବା କମ୍ ବିକଶିତ ରାଷ୍ଟ୍ରକୁ ସମ୍ବୋଧନ କରିବା ସହ ସଂଯୁକ୍ତ ରାଷ୍ଟ୍ର ମହାସଭାକୁ ମଧ୍ୟ ସମ୍ବୋଧନ କରିବେ । ଏହାସହିତ ଚୀନରେ ହେବାକୁ ଥିବା ଏସିଆନ୍ ଗେମ୍ସରେ ସାମିଲ ହେବାକୁ ଚୀନ ଗସ୍ତ କରିବେ । ତେଣୁ ଏହି ଦୁଇ ଦେଶକୁ ଗସ୍ତ କରିବା କାର୍ଯ୍ୟସୂଚୀ ଏକ ପ୍ରକାର ସ୍ଥିର ହୋଇଛି ।
ନେପାଳ ବୈଦେଶିକ ମନ୍ତ୍ରୀ ଏନପି ସାଉଦ କହିଛନ୍ତି ଯେ, ପ୍ରଧାନମନ୍ତ୍ରୀ ପ୍ରଚଣ୍ଡ ନ୍ୟୁୟର୍କରେ 18-19 ସେପ୍ଟେମ୍ବର ମଧ୍ୟରେ ହେବାକୁ ଥିବା ସସ୍ଟେନେବଲ ଡେଭଲପମେଣ୍ଟ ଗୋଲ ସମ୍ମିଳନୀରେ ଅଂଶ ଗ୍ରହଣ କରିବେ । ଏସଡିଜି ସମ୍ମିଳନୀ ପରେ 20 ସେପ୍ଟେମ୍ବରରେ ଆରମ୍ଭ ହେଉଥିବା ସଂଯୁକ୍ତ ରାଷ୍ଟ୍ର ମହାସଭାରେ ମଧ୍ୟ ଯୋଗଦାନ କରିବେ । ନେପାଳ ପକ୍ଷରୁ ପ୍ରଧାନମନ୍ତ୍ରୀ ପ୍ରଚଣ୍ଡ 21 ସେପ୍ଟେମ୍ବର ଦିନ ମହାସଭାକୁ ସମ୍ବୋଧନ କରିବେ ।
