ଲାହୋର : ପାକିସ୍ତାନ ମୁସଲିମ୍ ଲିଗ-ନୱାଜ ତଥା ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ୍ କାଲି ସ୍ୱଦେଶ ଫେରିବେ । ଏଥିପାଇଁ ଆରମ୍ଭ ହୋଇଯାଇଛି ପ୍ରସ୍ତୁତି । ନୱାଜଙ୍କ ଉପରେ ଫୁଲ ବର୍ଷା ପାଇଁ ଦଳ ପକ୍ଷରୁ ଭଡାରେ ଦୁଇଟି ବିମାନ ନିଆଯାଇଛି । ନୱାଜଙ୍କ ସ୍ୱାଗତ ପାଇଁ କର୍ମକର୍ତ୍ତା ଉତ୍ସାହ ଦେଖିବାକୁ ମିଳିଛି । ଆସନ୍ତାବର୍ଷ ଜାନୁୟାରୀରେ ହେବାକୁ ଥିବା ସାଧାରଣ ନିର୍ବାଚନରେ ପିଏମଏଲ-ଏନ ଦଳ ୭୩ ବର୍ଷୀୟ ନୱାଜଙ୍କ ନେତୃତ୍ୱରେ ଲଢିବାର ସମ୍ଭାବନା ରହିଛି ।
ନୱାଜ ୪ବର୍ଷ ଧରି ବ୍ରିଟେନରେ ନିର୍ବାସନରେ ରହୁଥିଲେ । ଏବେ ସେ ଜେଦ୍ଦାରୁ ଦୁଇବାରେ ପହଞ୍ଚିଯାଇଥିବା ସୂଚନା ମିଳିଛି । ନୱାଜ ଶନିବାର ଏକ ଚାର୍ଟର ବିମାନ ଯୋଗେ ପାକିସ୍ତାନ ଫେରିବେ ।ନୱାଜଙ୍କ ସ୍ୱଦେଶ ଫେରିବା ଖୁସିରେ ଗୁରୁବାର ଦିନ ତାଙ୍କ ଭାଇ ଏକ ଗୀତ ରିଲିଜ୍ କରିଛନ୍ତି । ବଡ ଭାଇଙ୍କର ଐତିହାସିକ ସ୍ୱାଗତ କରିବା ପାଇଁ ସେ ପ୍ରସ୍ତୁତି କରିଥିବା ପାର୍ଟିର କାର୍ଯ୍ୟକର୍ତ୍ତାଙ୍କୁ କହିଛନ୍ତି ।
