ମହିଳା ଓ ଦଳିତ ବିରୋଧୀ ମୁକେଶ ମହଲିଙ୍ଗ !
ବିଧାନସଭା ରେ ଅସଭ୍ୟ ଆଚରଣ ତଥା ଜାଲିଆତି କରିଥିବା ମନ୍ତ୍ରୀ ମୁକେଶଙ୍କୁ ଆଉ କେତେ ଦିନ ବଞ୍ଚାଇବ ସରକାର ?
(DAILY Odisha): ରାଜ୍ୟ ସରକାରଙ୍କର ସ୍ୱାସ୍ଥ୍ୟ ଓ ପରିବାର କଲ୍ୟାଣ ତଥା ସଂସଦୀୟ ବ୍ୟାପାର ମନ୍ତ୍ରୀ ମୁକଶେ ମହାଲିଙ୍ଗଙ୍କ ନାଁରେ ଆସିଛି ସାଙ୍ଘାତିକ ଅଭିଯୋଗ । ଆଜି ଏନେଇ ରାଜ୍ୟ କଂଗ୍ରେସ ଭବନ ଠାରେ ଏକ ସାମ୍ବାଦିକ ସମ୍ବିଳନୀ କରି ଏଆଇସିସି ସଦସ୍ୟ ତଥା ନ୍ୟାସନାଲ କୋର୍ଡିନେଟର ଅଭିଷେକ୍ ମହାନନ୍ଦ , ମନ୍ତ୍ରୀ ମୁକେଶଙ୍କ ଉପରେ ଖୁବ୍ ବର୍ଷିଛନ୍ତି । ବିଧାନସଭା ଚାଲିଥିବା ବେଳେ ଜଣେ ମହିଳା ବାଚସ୍ପତିଙ୍କ ଉପସ୍ଥିତିରେ ମନ୍ତ୍ରୀ ମୁକେଶ କିଭଳି,ଗୁଣ୍ଡାଗର୍ଦ୍ଦି କରିବା ସହିତ ଖରାପ ଭାଷାରେ ,ଗାଳି ଗୁଲଜ ଭଳି ଅଶୋଭନୀୟ ଆଚରଣ ପ୍ରଦର୍ଶନ କରିପାରିଲେ ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତା ଅଭିଷେକ ମହାନନ୍ଦ । ପବିତ୍ର ଗୃହ ଭିତରେ ମନ୍ତ୍ରୀ ମାଁକୁ ନେଇ ଦେଇଥିବା ଗାଳି ସମଗ୍ର ମାଁ ଜାତିକୁ ଅସମ୍ମାନିତ କରିବା ସହିତ ମନ୍ତ୍ରୀଙ୍କ ଜାଲିଆତି ପାଇଁ ଲକ୍ଷ ଲକ୍ଷ ଦଳିତ ଯୁବକଙ୍କ ଭାଗ୍ୟ ଅନ୍ଧକାର ଭିତରକୁ ଠେଲି ହୋଇଯାଇଥିବା ଅଭିଯୋଗ କରିଛନ୍ତି ଅଭିଷେକ । ଏହାସହିତ ମୁକେଶ ଜାଲ ଜାତି ପ୍ରମାଣ ପତ୍ର ଦେଇ ପୂର୍ବରୁ ସରକାରୀ ସୁବିଧା ସହିତ ସରକାରୀ ଚାକିରୀ ମଧ୍ୟ ହାତେଇ ଥିବା ଅଭିଯୋଗ ହୋଇଛି । ଜାଲ ସାର୍ଟିଫିକେଟ୍ ବଳରେ ମୁକେଶ ବିଧାୟକ ତଥା ମନ୍ତ୍ରୀ ହୋଇଥିବାରୁ ତାଙ୍କୁ ମନ୍ତ୍ରୀ ପଦରୁ ତୁରନ୍ତ ବହିଷ୍କାର କରିବା ସହିତ ତାଙ୍କ ଉପରେ ଅପରାଧିକ ମାମଲା ରୁଜୁ କରିବା ପାଇଁ ଦାବୀ କରିଛନ୍ତି ଅଭିଷେକ ।୨୦୦୨ ମସିହାରେ ସରକାର ତାଙ୍କ ସମ୍ପ୍ରଦାୟର ଲୋକଙ୍କୁ ଅନୁସୂଚିତ ଜାତି ତାଲିକାରେ ଅର୍ନ୍ତଭୁକ୍ତ କରିଥିବା ବେଳେ ଏହାର ବହୁ ବର୍ଷ ପୂର୍ବରୁ ମନ୍ତ୍ରୀ ମୁକେଶ କେଉଁ ଆଧାରରେ ନିଜକୁ ଅନୁସୂଚିତ ଜାତିର ପରିଚୟ ଦେଇ ଜାଲ ପ୍ରମାଣ ପତ୍ର ଦ୍ୱାରା ସରକାରୀ ଚାକିରି କରିଥିଲେ ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତା ଅଭିଷେକ ମହାନନ୍ଦ । ସାମ୍ବାଦିକ ସମ୍ବିଳନୀରେ କଂଗ୍ରେସର ପୂର୍ବତନ ମୂଖପାତ୍ର ତଥା ଦଳର ବରିଷ୍ଠ ନେତା ମନୋରଞ୍ଜନ ଦାସଙ୍କ ସହିତ ମୁକେଶଙ୍କ ନାଁରେ ଅଭିଯୋଗ ଆଣିଥିବା ସମାଜସେବୀ ଡିଙ୍ଗର କୁମ୍ଭାର ପ୍ରମୂଖ ଉପସ୍ଥିତ ଥିଲେ ।
