ଚଣ୍ଡିଗଡ : ପର୍ବତାରୋହୀ ଅନିତା କୁଣ୍ଡୁଙ୍କୁ ହରିୟାଣା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଓଏସଡି ଭାବେ ନିଯୁକ୍ତି ମିଳିଛି । ହରିୟାଣା ପୋଲିସରେ ଏସଆଇ ଭାବେ କାର୍ଯ୍ୟ କରୁଥିବା ଅନିତାଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଏଣ୍ଟ୍ରି ମିଳିଛି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ସେ ଅଫିସର ଅନ୍ ସ୍ପେଶାଲ ଡ୍ୟୁଟି (ଓଏସଡି) ଭାବେ କାର୍ଯ୍ୟ କରିବେ । ନିଶାଠାରୁ ଦୂରେଇ ରହିବା ଦିଗରେ ସେ ଯୁବପୀଢିଙ୍କୁ ସଚେତନ କରିବେ ।
ନିକଟରେ ଅନିତା କୁଣ୍ଡୁ ନେପାଳର ମାଉଣ୍ଟ ମକାଲୁ ପର୍ବତାରୋହ କରି ଆସିଛନ୍ତି । ଯାହାର ଶିଖର ହେଉଛି 8481 ମିଟର ଉଚ୍ଚ । ଏହାପୂର୍ବରୁ ସେ ତିନିଥର ଦୁନିଆର ସବୁଠୁ ଉଚ୍ଚ ଶିଖର ମାଉଣ୍ଟ ଏଭରେଷ୍ଟ ମଧ୍ୟ ସଫଳତା ପୂର୍ବକ ଚଢିସାରିଛନ୍ତି । ନେପାଳ ଯାତ୍ରା ପୂର୍ବରୁ ଅନିତା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କୁ ସାକ୍ଷାତ କରିଥିଲେ । ହିସାର ଜିଲ୍ଲାରେ ରହୁଥିବା ଅନିତା ଏହି ଅଞ୍ଚଳରେ ଥିବା ବିଶ୍ୱବିଦ୍ୟାଳୟ ଓ କଲେଜ ଯାଇ ଯୁବପୀଢିଙ୍କୁ ନିଶା ଦିଗରେ ସଚେତନ କରିବେ ।
