ମ୍ୟାନମାରର ଶକ୍ତିଶାଳୀ ଭୂମିକମ୍ପରେ ୧,୭୦୦ରୁ ଅଧିକ ଲୋକଙ୍କ ମୃତ୍ୟୁ

(DAILY Odisha): ମ୍ୟାନମାରର ଦ୍ୱିତୀୟ ବୃହତ୍ତମ ସହର ମାଣ୍ଡାଲେର ରାସ୍ତାଗୁଡ଼ିକରେ ପଡ଼ିଥିବା ଶବଗୁଡିକରୁ ଏବେ ଭୟଙ୍କର ଦୁର୍ଗନ୍ଧ ବାହାରିବା ଆରମ୍ଭ ହୋଇଛି ଏବଂ ସେପଟେ ଲୋକମାନେ ଏବେ ମଧ୍ୟ ନିଜ ପରିଜନଙ୍କୁ ଖୋଜିବା ପାଇଁ ହାତରେ ମାଟିପଙ୍ଗୁର ହଟାଇବାରେ ଲାଗିଛନ୍ତି। ଦୁଇ ଦିନ ପୂର୍ବେ ଆସିଥିବା ବିନାଶକାରୀ ଭୂମିକମ୍ପରେ ୧, ୭୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି ଏବଂ ଅସଂଖ୍ୟ ଲୋକ ବିଭିନ୍ନ ସ୍ଥାନରେ ମାଟିପଙ୍ଗୁରେ ଚାପି ହୋଇଯାଇଛନ୍ତି।

ଶୁକ୍ରବାର ଅପରାହ୍ନରେ ଆସିଥିବା ୭.୭ ତୀବ୍ରତାର ଭୂମିକମ୍ପର କେନ୍ଦ୍ରବିନ୍ଦୁ ମାଣ୍ଡାଲେ ନିକଟରେ ଥିଲା। ଏହି ଭୟଙ୍କର ଭୂମିକମ୍ପ ଯୋଗୁଁ ଅନେକ ଇମାରତ ଭୁଶୁଡ଼ି ପଡ଼ିଛି ଏବଂ ସହରର ବିମାନବନ୍ଦର ପରି ଅନ୍ୟାନ୍ୟ ଭିତ୍ତିଭୂମିକୁ ବହୁତ କ୍ଷତି ପହଞ୍ଚିଛି।

ଭଙ୍ଗା ରାସ୍ତା, ପଡ଼ିଯାଇଥିବା ପୋଲ, ଯୋଗାଯୋଗ ବ୍ୟବସ୍ଥାରେ ଅସୁବିଧା ଏବଂ ଗୃହଯୁଦ୍ଧ ମଧ୍ୟରେ ଦେଶରେ କାମ କରିବାର ଚ୍ୟାଲେଞ୍ଜ ଯୋଗୁଁ ରିଲିଫ୍‌ କାର୍ଯ୍ୟ ବାଧାପ୍ରାପ୍ତ ହୋଇଛି।

ସ୍ଥାନୀୟ ଲୋକମାନେ ଭାରୀ ଉପକରଣର ସାହାଯ୍ୟ ବିନା ବଞ୍ଚିଥିବା ଲୋକଙ୍କୁ ଖୋଜିବାରେ ଲାଗିଛନ୍ତି ଏବଂ ୪୧ ଡିଗ୍ରୀ ସେଲସିୟସ୍‌ ଗରମରେ ହାତ ଓ ଫାଉଡ଼ା ସାହାଯ୍ୟରେ ମାଟିପଙ୍ଗୁର ହଟାଇବାକୁ ବାଧ୍ୟ ହୋଇଛନ୍ତି।

ରବିବାର ଅପରାହ୍ନରେ ଆସିଥିବା ୫.୧ ତୀବ୍ରତାର ଆଫ୍ଟର ସକ୍‌ ପରେ ରାସ୍ତାରେ ଥିବା ଲୋକଙ୍କ ମଧ୍ୟରେ ଆତଙ୍କ ଖେଲିୟାଇଥିଲା।

ମାଣ୍ଡାଲେରେ ରହୁଥିବା ୧୫ ଲକ୍ଷ ଲୋକଙ୍କ ମଧ୍ୟରୁ ଅନେକେ ରାତି ରାସ୍ତାରେ କାଟିଛନ୍ତି। ଭୂମିକମ୍ପ ଯୋଗୁଁ ବହୁ ଲୋକ ଘରହରା ହୋଇଛନ୍ତି। ଏହି ଭୂମିକମ୍ପ ପଡ଼ୋଶୀ ଦେଶ ଥାଇଲ୍ୟାଣ୍ଡକୁ ମଧ୍ୟ କମ୍ପାଇ ଦେଇଛି ଏବଂ ସେଠାରେ ଅତି କମରେ ମ୍ୟାନମାରର ଶକ୍ତିଶାଳୀ ଭୂମିକମ୍ପରେ ୧,୭୦୦ରୁ ଅଧିକ ଲୋକଙ୍କ ମୃତ୍ୟୁ ଜଣଙ୍କର ମୃତ୍ୟୁ ହୋଇଛି।

ମାଣ୍ଡାଲେର ସ୍ଥାନୀୟ ଲୋକମାନେ ଏହାକୁ ନେଇ ଚିନ୍ତିତ ଯେ ଲଗାତର ଆସୁଥିବା ଝଟକା ଯୋଗୁଁ ଅସ୍ଥିର ଇମାରତଗୁଡ଼ିକ ଭୁଶୁଡ଼ି ପଡ଼ିପାରେ।

ମ୍ୟାନମାରରେ ‘କ୍ୟାଥୋଲିକ୍‌ ରିଲିଫ୍‌ ସର୍ଭିସେସ୍‌’ର ଯାଙ୍ଗୁନ୍‌ ଇକାଇର ପରିଚାଳକ କାରା ବ୍ରାଗ୍‌ କହିଛନ୍ତି ଯେ ଏପର୍ଯ୍ୟନ୍ତ ମ୍ୟାନମାରରେ ୧, ଜଣଙ୍କର ମୃତ୍ୟୁ ହୋଇଛି ଏବଂ ୩,୪୦୮ ଜଣ ଆହତ ହୋଇଛନ୍ତି।

ସେ କହିଛନ୍ତି ଯେ ଅନେକ ଅଞ୍ଚଳରେ ଏପର୍ଯ୍ୟନ୍ତ ଉଦ୍ଧାର କାର୍ଯ୍ୟ ହୋଇପାରି ନାହିଁ ଏବଂ ଅନେକ ସ୍ଥାନରେ ଲୋକମାନେ ହାତରେ ମାଟିପଙ୍ଗୁର ହଟାଇବାରେ ଲାଗିଛନ୍ତି। ମ୍ୟାନମାରରେ ବିଦେଶୀ ସାହାଯ୍ୟ ପହଞ୍ଚିବା ଆରମ୍ଭ ହୋଇଛି।

ଦୁଇଟି ଭାରତୀୟ ସି-୧୭ ସାମରିକ ପରିବହନ ବିମାନ ଶନିବାର ରାତିରେ ନେପିତଓ୍‌ରେ ଅବତରଣ କରିଥିଲା, ଯେଉଁଥିରେ ସେନାର ଏକ ଚିକିତ୍ସା ଦଳ ଏବଂ ପ୍ରାୟ ୧୨୦ କର୍ମଚାରୀ ଥିଲେ।

ମ୍ୟାନମାରର ବୈଦେଶିକ ମନ୍ତ୍ରଣାଳୟ ଅନୁସାରେ, ଏହି ଭାରତୀୟ ଦଳ ଉତ୍ତର ମାଣ୍ଡାଲେରେ ୬୦ ଶଯ୍ୟା ବିଶିଷ୍ଟ ଏକ ଜରୁରୀ ଚିକିତ୍ସା କେନ୍ଦ୍ର ନିର୍ମାଣ କରିବେ। ଭାରତ ତରଫରୁ ଅନ୍ୟାନ୍ୟ ସାହାଯ୍ୟ ମ୍ୟାନମାରର ସବୁଠାରୁ ବଡ଼ ସହର ଯାଙ୍ଗୁନ୍‌ରେ ମଧ୍ୟ ପହଞ୍ଚିଛି। ଯାଙ୍ଗୁନ୍‌ ଅନ୍ୟ ଦେଶମାନଙ୍କ ଦ୍ୱାରା ପଠାଯାଉଥିବା ସାହାଯ୍ୟର କେନ୍ଦ୍ର ପାଲଟିଛି।