ଉଗ୍ରବାଦୀଙ୍କ ତୁମୂଳ କାଣ୍ଡ, କୋଇଲା ଖଣିରେ ସୁରକ୍ଷାକର୍ମୀଙ୍କ ମାରପିଟ ସହ ଚଳାଇଲେ ଗୁଳି

ଲାତେହାର : ଲାତେହାରରେ ଉଗ୍ରବାଦୀଙ୍କ ତୁମୂଳକାଣ୍ଡ । ଝାଡଖଣ୍ଡର ଲାତେହାର ଜିଲ୍ଲାର ସଦର ଥାନା ଅନ୍ତର୍ଗତ ତୁବେଦ ଗାଁ ନିକଟ ଦାମୋଦର ଘାଟି ପରିଯୋଜନା କେଲିୟରି ଦ୍ୱାରା ପରିଚାଳିତ କୋଇଲା ଖଣିରେ ରବିବାର ତାଣ୍ଡବ କରିଛନ୍ତି ଜେଏଲଟି ଉଗ୍ରବାଦୀ ସଙ୍ଗଠନ । ଉଗ୍ରବାଦୀମାନେ ଏକ ପମ୍ପ ହାଉସରେ ନିଆଁ ଲଗାଇବା ସହ ସେଠାରେ ଥିବା ଅପରେଟର, ଗାର୍ଡ, ହାଇୱା ଚାଳକଙ୍କୁ ମାରପିଟ କରିବା ସହ ଗୁଳି ଚଳାଇଛନ୍ତି ।

ତେବେ ଏହାର ଜବାବରେ କୋଲିୟରୀର ଅନ୍ୟ ସ୍ଥାନରେ ମୁତୟନ ହୋଇଥିବା ସୁରକ୍ଷାକର୍ମୀମାନେ ଗୁଳି ଚଳାଇଥିଲେ । ତେବେ ଉଗ୍ରବାଦୀମାନେ ସେଠାରେ ଛତ୍ରଭଙ୍ଗ ଦେଇଥିଲେ । ଘଟଣାସ୍ଥଳରେ ଉଗ୍ରବାଦୀମାନେ ଏକ ହାତଲେଖା ଚିଠି ଛାଡିଯାଇଛନ୍ତି ।

ସୂଚନା ମୁତାବକ, ରବିବାର ବିଳମ୍ବିତ ରାତି ପାଖାପାଖି ଗୋଟାଏ ବେଳେ ଉଗ୍ରବାଦୀମାନେ ପହଞ୍ଚିଥିଲେ । ପ୍ରାୟ 9ଜଣ ଉଗ୍ରବାଦୀ ଗୋଷ୍ଠ ହୋଇ ଆସିଥିଲେ ଏବଂ ବାହାରେ ମୁତୟନ ହୋଇଥିବା ସୁରକ୍ଷାକର୍ମୀ ଓ ଡ୍ରାଇଭରଙ୍କୁ ମାରପିଟ କରିଥିଲେ ।

ଏହାପରେ ସେମାନେ ପମ୍ପ ହାଉସରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଏହାପରେ ଉଗ୍ରବାଦୀମାନେ ଫାୟାରିଂ ଆରମ୍ଭ କରିଦେଇଥିଲେ । ତେବେ ଏହି ହମଲର ସୂଚନା ପାଇବା କ୍ଷଣି କେଲିୟରୀର ଅନ୍ୟ ସ୍ଥାନରେ ମୁତୟନ ହୋଇଥିବା ସୁରକ୍ଷାକର୍ମୀମାନେ ଏହାର ଜବାବ ଦେଇ ଫାୟାରିଂ କରିଥିଲେ । ତେବେ ଫାୟାରିଂ ହେବା ମାତ୍ରେ ଉଗ୍ରବାଦୀମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ ।

ଅନ୍ୟପଟେ ସୂଚନା ପାଇବା ପରେ ପୋଲିସ ଇନସପେକ୍ଟର ଆଶୁତୋଷ କୁମାରଙ୍କ ନେତୃତ୍ୱରେ ଏକ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଛନ୍ତି । ସୁରକ୍ଷାକର୍ମୀଙ୍କୁ ପଚରାଉଚରା କରି ପୋଲିସ ତଥ୍ୟ ସଂଗ୍ରହ କରିଛି ।