ମାଲକାନଗିରି : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଳକ କୁରମାନୁର ଉନ୍ନତି ଉଚ୍ଚ ବିଦ୍ୟାଳୟ ଠାରେ ପ୍ରଧାନ ଶିକ୍ଷକ ତପନ କୁମାର ଢ଼ାଲି ଙ୍କ ଅଧକ୍ଷତାରେ ଗତକାଲି ମେରି ମିଟି ମେରା ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ କୁରମାନୁର ସିଆରସିସି ପ୍ରଶାନ୍ତ କୁମାର ସରଦାର, ୱାର୍ଡମେମ୍ବର ଚିନ୍ନାବାଇ ପଲାସି, ମେଟ୍ରନ ସୁଜାତା ମଣ୍ଡଳ, ଶିକ୍ଷକ ନଳିନୀକାନ୍ତ ଜେନା, ଗୋପବନ୍ଧୁ ନାୟକ, ବିଜୟ କୁମାର ସାହୁ, ଗ୍ରାମବାସୀ ବାଲରାଜୁ କୋଷା ଓ ସନ୍ୟାସୀ ରାଓ କୋଷା ଯୋଗଦେଇ ବିଭିନ୍ନ ସହିଦ ସଂଗ୍ରାମୀଙ୍କ ବିରତ୍ଵ ର ଗାଥା ବିଷୟରେ କହିଥିଲେ।
ଏହି ଅବସରରେ ସହିଦ ଙ୍କ ସମ୍ମାନାର୍ଥେ ବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଥିଲା। ବିଦ୍ୟାଳୟର ଛାତ୍ର ଛାତ୍ରୀ, ଶିକ୍ଷକ, ଗ୍ରାମବାସୀ ମାନେ ପ୍ରଭାତ ଫେରି କରିଥିଲେ। ଏହି କାର୍ଯ୍ୟକ୍ରମ ପାଇଁ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରାଯାଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା।
