ଇମ୍ଫାଲ : ଆସାମ ରାଇଫଲ୍ସ ଏବଂ ଭାରତୀୟ ସେନା ମଣିପୁରର ଚୁରାଚାନ୍ଦପୁର ଜିଲ୍ଲାର ଏକ ଗ୍ରାମରେ ମିଳିତ ଅଭିଯାନ ଚଳାଇ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଛନ୍ତି ।
ଗୁଇନ୍ଦା ସୂତ୍ରରୁ ମିଳିଥିବା ଖବରକୁ ଆଧାର କରି ସୁରକ୍ଷା ବଳ ରବିବାର କୁକି ଏବଂ ମୈତେଇ ମଧ୍ୟରେ ଜାତୀୟ ହିଂସାଗ୍ରସ୍ତ ଅଂଚଳ ଗେଲମୋଲ ଗ୍ରାମରେ ଚଢ଼ଉ କରିଥିଲେ । ଚଢ଼ଉ ବେଳେ ସେଠାରୁ ମ୍ୟାଗଜିନ୍ ନଥିବା ଏକ ଏମ-୪ ଅସଲ୍ଟ ରାଇଫଲ, ମ୍ୟାଗଜିନ୍ ସହିତ ଏକ ୯-ଏମଏମ ଦେଶି ପିସ୍ତଲ, ଏକ ଷ୍ଟେନ ମେସିନ ଗନ୍, ମ୍ୟାଗଜିନ୍ ସହିତ ୦.୨୨ ଏମଏମ ର ଏକ ପିସ୍ତଲ, ଇମ୍ପ୍ରୋଭାଇଜଡ୍ ମୋର୍ଟାର ସହିତ ବିପୁଳ ପରିମାଣର ଗୋଳାବାରୁଦ ଜବତ ହୋଇଛି ।
