ଜୟପୁର – ଭାରତୀୟ ଜାତୀୟ କଂଗ୍ରେସର ନୀତି ଓ ଆଦର୍ଶ ରେ ଅନୁପ୍ରାଣିତ ହେବା ସହ ଜୟପୁର ବିଧାୟକ ତାରା ପ୍ରସାଦ ବାହିନିପତିଙ୍କ ଉପରେ ଅସ୍ଥା ପ୍ରକଟ କରି ବିଜେପି ଦଳ ଛାଡି କଂଗ୍ରେସରେ ଯୋଗଦାନ କରିଛନ୍ତି । ଜୟପୁର ପୌରାଂଚଳ ପୁରୁଣାଗଡର ବିଜେପି ନେତ୍ରୀ ରୁକ୍ମଣୀ ହରିଜନଙ୍କ ସହ ଶତାଧିକ ବିଜେପି କର୍ମି ଆଜି କଂଗ୍ରେସରେ ସାମିଲ ହୋଇଛନ୍ତି । ଏନେଇ ଆଜି ଜୟପୁର ଲକ୍ଷ୍ମୀ ନଗର ବାସ ଭବନରେ ମିଶ୍ରଣ ପବ ଅନୁଷ୍ଟିତ ହୋଇଥିଲା । ଏଥିରେ ରାଜ୍ୟ ମହିଳା କଂଗ୍ରେସ ସଭାନେତ୍ରୀ ମିନାକ୍ଷୀ ବାହିନିପତି ଓ ଜିଲା କଂଗ୍ରେସ ସଭାପତି ଶଶୀ ଭୁଷଣ ପାତ୍ର ଦଳିୟ ଉତରୀୟ ପକାଇ ଦଳକୁ ସ୍ୱାଗତ କରିଥିଲେ । ନବାଗତ ମାନଙ୍କୁ ସ୍ୱାଗତ ଜଣାଇବା ସହ ଯୋଗଦାନ ଫଳରେ କଂଗ୍ରେସ ଦଳ ଜୟପୁର ନିବାଚନ ମଣ୍ଡଳିରେ ଆହୁରି ସଶକ୍ତ ହେବ ବୋଲି ରାଜ୍ୟ ମହିଳା ସଭାନେତ୍ରୀ ମିନାକ୍ଷୀ ବାହୀନିପତି ସୂଚନା ଦେଇଛନ୍ତି ।
