ବ୍ଲକ ସ୍ତରୀୟ ଦୀର୍ଘସ୍ଥାୟୀ କୀଟନାଶକ ଉପଚାରିତ ମଶାରୀ ବଣ୍ଟନର ଶୁଭାରମ୍ଭ

ମାଥିଲି,୧୩,୧୧ (Daily Odisha) ମାଲକାନଗିରି ଜିଲ୍ଲା ମାଥିଲି ବ୍ଲକ ସ୍ତରୀୟ ଦୀର୍ଘସ୍ଥାୟୀ କୀଟନାଶକ ଉପଚାରିତ ମଶାରୀ ବଣ୍ଟନ ଶୁଭାରମ୍ଭ କାର୍ଯ୍ୟକ୍ରମ ମାଥିଲି ବ୍ଳକ ସ୍ଥିତ ଉଦୁଲିବେଡ଼ା ପଞ୍ଚାୟତ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ଜିଲ୍ଲା ଅତିରିକ୍ତ ନିର୍ଦେଶକ ମଶା ବାହିତ ରୋଗ ଓଡ଼ିଶା ଡ଼ା. ପ୍ରଭାକର ସାହୁ , ମୁଖ୍ୟ ଅତିଥି ଭାବେ ଯୋଗ ଦେଇ ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ । ପ୍ରଥମେ ପ୍ରଦୀପ ପ୍ରଜ୍ଵଳନ କରାଯାଇ ଏକ ସାଚେତନତା କାର୍ଯ୍ୟକ୍ରମ ରେ ଲୋକ ମାନଙ୍କୁ ସଚେତନ କରିଥିଲେ। ପରେ ଏକ ସ୍ୱତନ୍ତ୍ର ବୈଠକ ଆରମ୍ଭ କରାଯାଇଥିଲା । ଏହି ଶୁଭାରମ୍ଭ ଓ ସଚେତନତା ବୈଠକରେ ବ୍ଲକ ଉପଖଣ୍ଡ ଚିକିତ୍ସାଳୟ ର ମୁଖ୍ୟ ସ୍ଵାସ୍ଥ୍ୟ ଅଧିକାରୀ ଡ଼ା. ବସନ୍ତ କୁମାର ସାହୁ , ସମ୍ମାନିତ ଅତିଥି ଭାବରେ ପୂର୍ବତନ ବ୍ଲକ ଅଧ୍ୟକ୍ଷ ସ୍ମୃତିରଞ୍ଜନ, ମାଥିଲି ଥାନା ଅଧିକାରୀ ଦେବଦତ୍ତ ମଲ୍ଲିକ , ଉଦୁଲିବେଡା ସରପଞ୍ଚ ଦେବାନନ୍ଦ ଖିଲ, ପଞ୍ଚାୟତ ମଶା ବାହିତ ଆଲୋକ ପତି , ଓଡ଼ିଶା ଏବଂ ଉଦୁଲିବେଡ଼ା ସ୍ଵାସ୍ଥ୍ୟକେନ୍ଦ୍ର ର ମହିଳା ଓ ପୁରୁଷ ସ୍ଵାସ୍ଥ୍ୟ କର୍ମୀ, ମାଥିଲି ଅଞ୍ଚଳ ର ସମସ୍ତ ଆଶା ଓ ଅଙ୍ଗନବାଡି କର୍ମୀ ଓ ଗ୍ରାମବାସୀ ଉପସ୍ଥିତ ଥୁଲେ । ମ୍ୟାଲେରିଆ ରୋଗରୁ ସୁରକ୍ଷା ଓ ନିରାକରଣ ନିମନ୍ତେ ମଶାରୀ ବ୍ୟବହାର ବିଷୟରେ ଲୋକଙ୍କୁ ସଚେତନତା କରାଯାଇଥିଲା । ଏହି କାର୍ଯ୍ୟକ୍ରମକୁ ଅଜିତ କୁମାର ଦଳାଇ, ଜିଲ୍ଲା ମଶା ବାହିତ ପରାମର୍ଶଦାତା ଏବଂ ଅମୂଲ୍ୟ ରତ୍ନ ଷଡଙ୍ଗୀ , ବ୍ଲକ ମଶା ବାହିତ ରୋଗ ପର୍ଯ୍ୟବେକ୍ଷକ ପରିଚାଳନା କରିଥିଲେ ଏବଂ ଆସନ୍ତା ତା ନଭେମ୍ବର ୧୮ ତାରିଖରୁ କିପରି ସୂଚାର ରୂପରେ ମଶାରୀ ବଣ୍ଟନ କରା ଯାଇପାରିବ ସେଇ ବିଷୟରେ ବୁଝାଇଥିଲେ ।