ରୁଦ୍ରପ୍ରୟାଗ: ୧୯୯୧ ମସିହାରେ ଭୂ-ବିଜ୍ଞାନୀମାନେ ସତର୍କ କରାଇଥିଲେ ଯେ, କେଦାରନାଥ ଅଂଚଳରେ ଭାରି ଓ ଅଧିକ ନିର୍ମାଣ ଶୁଭଙ୍କର ନୁହେଁ । କେଦାରନାଥ ମନ୍ଦିର କ୍ଷେତ୍ରକୁ ସୀମିତ ରଖିବା ଏବଂ ଏହାର ଆଖପାଖରେ ଭାରି ନିର୍ମାଣ ନକରିବାକୁ ପରାମର୍ଶ ଦେଇଥିଲେ । ଏଥି ସହିତ ମନ୍ଦାକିନୀ ନଦୀର ଡାହାଣ ପାଶ୍ୱର୍ ରାମବାଡ଼ାରୁ ରୁଦ୍ରା ପଏଂଟ କ୍ଷେତ୍ରକୁ ଏବଲାଂଚ ଜୋନ୍ କହିବା ସହ ସେଠାରେ କୌଣସି ପ୍ରକାର ନିର୍ମାଣ କାର୍ଯ୍ୟ ନକରିବାକୁ ଗୁରୁତ୍ୱାରୋପ କରାଯାଇଥିଲା । ଏହା ସତ୍ୱେ ଗତ ସାଢ଼େ ତିନି ଦଶକରେ କେଦାରପୁରୀ ବଦଳି ଯାଇଛି । ବିପର୍ଯ୍ୟୟ ପରେ ମଧ୍ୟ ଏଠାରେ ଭାରି ନିର୍ମାଣ ଉପରେ ରୋକ୍ ଲାଗିପାରିନି । ସ୍ଥିତି ଏପରି ରହିଛି ଯେ, ଏହି ସମ୍ପୂର୍ଣ୍ଣ ଅଂଚଳ ଭୂ-ସ୍ଖଳନ ଓ ଭୂ-ଧ୍ୱଂସ କବ୍ଚାରେ ରହିଛି । ଯାହା କେବେ ବି ବଡ ଅଘଟଣର କାରଣ ସାଜିପାରେ ।
