ଦାବି ପୂରଣ ନେଇ ଶ୍ରମିକ କଂଗ୍ରେସର ଧାରଣା

ସମ୍ବଲପୁର : ସମ୍ବଲପୁର ରେଳମଣ୍ଡଳ ପ୍ରଵନ୍ଧକଙ୍କ କାଯ୍ୟାଳୟ ସମ୍ମୁଖରେ ଆଜି ଇଷ୍ଟକୋଷ୍ଟ ରେଳୱେ ଶ୍ରମିକ କ‍ଂଗ୍ରେସ ସମ୍ବଲପୁର ଡ଼ିଭିଜନ ପକ୍ଷରୁ ଧାରଣା ଦିଆଯିବା ସହ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏଥିରେ ସମ୍ବଲପୁର ରେଳମଣ୍ଡଳ ର ସମ୍ବଲପୁର , ଟିଟିଲାଗଡ଼, ରେଢ଼ାଖୋଲ, ବଲାଙ୍ଗୀର,କଟାବାଞ୍ଜି ବ୍ରାଞ୍ଚର ଶ୍ରମିକ କ‍ଂଗ୍ରେସର ପ୍ରତିନିଧି ମାନେ ଯୋଗଦେଇଥିଲେ । ଆଜିର ବିକ୍ଷୋଭ ଧାରଣା ଓ ପ୍ରଦର୍ଶନ ମାଧ୍ୟମରେ ଶ୍ରମିକ କଂଗ୍ରେସ ନୂତନ ପେନସନ ଯୋଜନାକୁ ବିରୋଧ କରି ପୁରୁଣା ପେନସନ ଯୋଜନାରେ ପେନସନ ଦେବାକୁ ଦାବି କରିଛି । ଏଥିସହିତ ରେଳ କର୍ମଚାରୀଙ୍କ ଗ୍ରେଟ ପେ ବୃଦ୍ଧି କରିବା ସହ ଅନ୍ୟାନ୍ୟ ଦାବି ନେଇ ଆଜି ସଂଗଠନ ପକ୍ଷରୁ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା।